25 ನೇ ಧರ್ಮಯುಗದ ಹೊಸ ಸಹಸ್ರಮಾನದ ಕಾರ್ಯ, 10,000 ವಿದ್ವಾಂಸರು ಬೆಂಬಲಿಸಿದರು

ಸಿಸ್ಟರ್ ಅಮತಾ ಜೆ. ನೊವಾಸ್ಜೆವ್ಸ್ಕಾ CSFN

ಹೊಸ ಸಹಸ್ರಮಾನದ ಕಾರ್ಯದ ಮಹೋತ್ಸವದ ಸಮಯದಲ್ಲಿ ಮುಖ್ಯ ಕಾರ್ಯಕ್ರಮವೆಂದರೆ ಪೋಲೆಂಡ್‌ನ ಪ್ರೇಷಿತ ರಾಯಭಾರಿಯಾದ ಮಹಾಧರ್ಮಾಧ್ಯಕ್ಷರಾದ ಆಂಟೋನಿಯೊ ಗೈಡೊ ಫಿಲಿಪಾಜಿರವರು ಜಸ್ನಾ ಗೋರಾದ ಮಾತೆ ಮರಿಯಮ್ಮನವರ ಪ್ರಾರ್ಥನಾ ಮಂದಿರದಲ್ಲಿ ಅರ್ಪಿಸಿದ ದಿವ್ಯಬಲಿಪೂಜೆಯು ಪ್ರಮುಖವಾಗಿತ್ತು.

ಮಹಾಧರ್ಮಾಧ್ಯಕ್ಷರಾದ ಫಿಲಿಪಾಜಿ ತಮ್ಮ ಪ್ರಬೋಧನೆಯಲ್ಲಿ, ವೈಯಕ್ತಿಕ ಮತ್ತು ಸಾಮಾಜಿಕ ಜೀವನದಲ್ಲಿ ಕೃತಜ್ಞತೆ ಮತ್ತು ಔದಾರ್ಯದ ಮಹತ್ವವನ್ನು ಒತ್ತಿ ಹೇಳಿದರು.

ದ್ವಿತೀಯ ಸಂತ ಜಾನ್ ಪೌಲ್ರವರಿಂದ ಸ್ಫೂರ್ತಿ ಪಡೆದು 'ಜೀವನ ಸಂಸ್ಕೃತಿ'ಯನ್ನು ನಿರ್ಮಿಸುವುದು
ಇಂದಿನ ಪ್ರಪಂಚದ ಸ್ವಾರ್ಥ ಮತ್ತು ಸಾಪೇಕ್ಷತಾವಾದಕ್ಕೆ ವ್ಯತಿರಿಕ್ತವಾಗಿ "ಜೀವನ ಸಂಸ್ಕೃತಿ"ಯನ್ನು ಉತ್ತೇಜಿಸಲು ಮಹಾಧರ್ಮಾಧ್ಯಕ್ಷರಾದ ಫಿಲಿಪಾಜಿರವರು ವಿದ್ಯಾರ್ಥಿವೇತನ ಪಡೆದವರನ್ನು ಪ್ರೋತ್ಸಾಹಿಸಿದರು. "ಸ್ವಯಂ ಎಂಬ ಪ್ರಾಮಾಣಿಕ ಉಡುಗೊರೆಯ ಮೂಲಕ ಹೊರತುಪಡಿಸಿ ಮನುಷ್ಯನು ತನ್ನನ್ನು ಸಂಪೂರ್ಣವಾಗಿ ಕಂಡುಕೊಳ್ಳಲು ಸಾಧ್ಯವಿಲ್ಲ" ಎಂಬ ಸಂತ ಜಾನ್ ಪೌಲ್ರವರ ಸಂದೇಶದ ಪ್ರಕಾರ ನಾವು ಬದುಕಿದರೆ ಇದು ಸಾಧ್ಯ ಎಂದು ಅವರು ಒತ್ತಿ ಹೇಳಿದರು.

ದಿವ್ಯಬಲಿಪೂಜೆಯ ನಂತರ, ವಿದ್ಯಾರ್ಥಿವೇತನ ಪಡೆದವರ ಪ್ರತಿನಿಧಿಗಳು ಹೊಸ ಸಹಸ್ರಮಾನದ ಸಮುದಾಯದ ಸಂಪೂರ್ಣ ಕೆಲಸವನ್ನು ಪೂಜ್ಯಕನ್ಯಾ ಮಾತೆಮೇರಿಗೆ ವಹಿಸಿಕೊಟ್ಟರು: "ನಾವು ಜೀವನದ ದೈವಕರೆಯ ಮಾರ್ಗವನ್ನು ಅನುಸರಿಸುವ ಮೂಲಕ ಪ್ರೀತಿಯ ನಾಗರಿಕತೆಯನ್ನು ನಿರ್ಮಿಸಲು ಬಯಸುತ್ತೇವೆ, ಇದು ದೇವರು ನಮಗೆ ಪ್ರತಿಯೊಬ್ಬರಿಗೂ ನೀಡಿರುವ ಅನನ್ಯ ಕರೆಯಾಗಿದೆ.

ಪ್ರಾರ್ಥನೆ, ಸಮುದಾಯ ಮತ್ತು ಸಂಗೀತದ ದಿನ
ಜಸ್ನಾ ಗೋರಾದಲ್ಲಿ ತೀರ್ಥಯಾತ್ರೆ ಮತ್ತು ಜಪಮಾಲೆ ಪ್ರಾರ್ಥನೆಯೊಂದಿಗೆ ವಾರ್ಷಿಕೋತ್ಸವದ ಆಚರಣೆಗಳು ಪ್ರಾರಂಭವಾದವು. ದಿವ್ಯಬಲಿಪೂಜೆಯ ನಂತರ, ಭಾಗವಹಿಸುವವರು ಝೆಸ್ಟೊಚೋವಾದ ಧರ್ಮಕ್ಷೇತ್ರದ ಗುರುವಿದ್ಯಾಮಂದಿರದ ಉದ್ಯಾನಗಳಲ್ಲಿ ಈ ಫೌಂಡೇಶನಿನ ಸಂತಸದ ವಿಷಯವನ್ನು ಆಚರಿಸಲು ಒಟ್ಟುಗೂಡಿದರು. ಹಂಚಿಕೆಯ ಸಾಕ್ಷ್ಯಗಳು, ನೆನಪುಗಳು ಮತ್ತು ಸಂಭ್ರಮಾಚರಣೆಯ ಕೇಕ್‌ನ ಸಮಯವು ಇದಾಗಿತ್ತು. ಸಂಜೆ, ಫೌಂಡೇಶನ್‌ನ ಗಾನವೃಂದ ಮತ್ತು ಆರ್ಕೆಸ್ಟ್ರಾ ಮಠದಲ್ಲಿ ಒರೆಟೋರಿಯೊ ಸಂಗೀತ ಕಚೇರಿಯನ್ನು ಪ್ರದರ್ಶಿಸಿತು, ನಂತರ ಜೂಬಿಲಿಯಲ್ಲಿ ಭಾಗವಹಿಸುವವರೊಂದಿಗೆ ಸಾಂಪ್ರದಾಯಿಕ ಜಸ್ನಾ ಗೋರಾ ಮನವಿಯನ್ನು ಮಾಡಲಾಯಿತು.

ದ್ವಿತೀಯ ಸಂತ ಜಾನ್ ಪೌಲ್ರವರ "ಜೀವಂತ ಸ್ಮಾರಕ"
2000ರಲ್ಲಿ ಪೋಲಿಷ್ ಧರ್ಮಾಧ್ಯಕ್ಷರುಗಳ ಸಮ್ಮೇಳನದಿಂದ ಸ್ಥಾಪಿಸಲ್ಪಟ್ಟ ನ್ಯೂ ಮಿಲೇನಿಯಮ್ ಫೌಂಡೇಶನ್‌ನ ಕೆಲಸವನ್ನು ದ್ವಿತೀಯ ಸಂತ ಜಾನ್ ಪೌಲ್ರವರ ಸಣ್ಣ ಪಟ್ಟಣಗಳು ಮತ್ತು ಕಡಿಮೆ ಆದಾಯದ ಕುಟುಂಬಗಳ ಯುವಕರೊಂದಿಗೆ ಒಗ್ಗಟ್ಟಿನ ಕರೆಗೆ ಪ್ರತಿಕ್ರಿಯೆಯಾಗಿ ರಚಿಸಲಾಯಿತು.

ಇಲ್ಲಿಯವರೆಗೆ, ಫೌಂಡೇಶನ್ ಪೋಲೆಂಡ್‌ನಾದ್ಯಂತ ಸುಮಾರು 10,000 ವಿದ್ಯಾರ್ಥಿಗಳಿಗೆ ಬೆಂಬಲ ನೀಡಿದೆ. ವಿದ್ಯಾರ್ಥಿವೇತನಗಳ ಮೂಲಕ ಮಾತ್ರವಲ್ಲದೆ ಆಧ್ಯಾತ್ಮಿಕ ರಚನೆ ಮತ್ತು ಸ್ವಯಂಸೇವಕರ ಒಳಗೊಳ್ಳುವಿಕೆಯನ್ನು ಬೆಳೆಸುವ ಮೂಲಕವೂ ಸಹ. 7 ನೇ ತರಗತಿಯಿಂದ ವಿಶ್ವವಿದ್ಯಾಲಯದ ಪದವಿಯವರೆಗೆ ವಿದ್ಯಾರ್ಥಿವೇತನವನ್ನು ನೀಡಲಾಗುತ್ತದೆ. 2022ರಿಂದ, ಫೌಂಡೇಶನ್ ಉಕ್ರೇನಿನ ಯುವ ನಿರಾಶ್ರಿತರಿಗೆ ಬೆಂಬಲವನ್ನು ಸಹ ಒದಗಿಸಿದೆ. ಫೌಂಡೇಶನನ್ನು ಸಾಮಾನ್ಯವಾಗಿ "ದ್ವಿತೀಯ ಸಂತ ಜಾನ್ ಪೌಲ್ರವರ ಜೀವಂತ ಸ್ಮಾರಕ" ಎಂದು ಕರೆಯಲಾಗುತ್ತದೆ.