ಅಮೆರಿಕದ ಬೋಧಕರು: ವಿಶ್ವಗುರುಗಳಿಂದ ನಾವು ಕೇಳಿಸಿಕೊಂಡಿರುವುದನ್ನು ಇತರರೊಂದಿಗೆ ಹಂಚಿಕೊಳ್ಳಬೇಕು

ಧರ್ಮಗುರು ಪಾವೆಲ್ ರೈಟೆಲ್-ಆಂಡ್ರಿಯಾನಿಕ್, ವೊಜ್ಸಿಕ್ ರೋಗಾಸಿನ್ - ವ್ಯಾಟಿಕನ್ ನಗರ

ಈ ಶಿಕ್ಷಣ ಪ್ರಪಂಚದ ಜ್ಯೂಬಿಲಿಗಾಗಿ ಭಾಗವಹಿಸುವವರಲ್ಲಿ ಒಬ್ಬರಾದ, ಓಹಿಯೋದ ಕೊಲಂಬಸ್‌ನ ಜರ್ಮನ್ ಹಳ್ಳಿಯಲ್ಲಿರುವ ಸಂತ ಮೇರಿಯ ಶಾಲೆಯ ಪ್ರಾಂಶುಪಾಲರಾದ ಗಿನಾ ಸ್ಟಲ್ ರವರು ಆಳವಾದ ಭಾವನೆಯಿಂದ ಮಾತನಾಡಿದರು. ಇದು ತುಂಬು ಹೃದಯದ ಆಶೀರ್ವಾದದ ಅನುಭವವಾಗಿದೆ ಮತ್ತು ನಾವು ಇಲ್ಲಿಗೆ ಬಂದಾಗ ನಮಗೆ ಅನೇಕ ಅನುಗ್ರಹಗಳು ದೊರೆತಿವೆ ಎಂದು ತಮ್ಮ ಭಾವನೆಗಳನ್ನು ಹಂಚಿಕೊಂಡರು. ಅವರು ಧರ್ಮಾಧ್ಯಕ್ಷರಾದ ಫೆರ್ನಾಂಡಿಸ್ ನೇತೃತ್ವದ ಕಥೋಲಿಕ ಶಿಕ್ಷಕರ ಗುಂಪಿನೊಂದಿಗೆ ಬಂದಿದ್ದರು, ಮತ್ತು ಅವರ ಮಾತುಗಳು ನಾವು ಮಾತನಾಡಿದ ಎಲ್ಲಾ ಭಾಗವಹಿಸುವವರು ಹಂಚಿಕೊಂಡ ಭಾವನೆಗಳನ್ನು ಪ್ರತಿಬಿಂಬಿಸುತ್ತವೆ.

ಹೃದಯವನ್ನು ಸ್ಪರ್ಶಿಸುವ ವಿಶ್ವಗುರುಗಳ ಮಾತುಗಳು
ಪವಿತ್ರ ತಂದೆಯವರ ಶ್ರವಣ ಮತ್ತು ಪ್ರವಚನವು ಈ ಶಿಕ್ಷಣ ಪ್ರಪಂಚದ ಜ್ಯೂಬಿಲಿಗಾಗಿ ಭಾಗವಹಿಸುವವರ ಮೇಲೆ ಆಳವಾದ ಪ್ರಭಾವ ಬೀರಿತು. ಧರ್ಮಾಧ್ಯಕ್ಷರಾದ ಫೆರ್ನಾಂಡಿಸ್ ರವರು ಸ್ವತಃ ವಿಶ್ವಗುರು XIV ನೇ ಲಿಯೋರವರೊಂದಿಗೆ ಮಾತನಾಡಲು ಅವಕಾಶವನ್ನು ಪಡೆದರು. ನಾನು ವಿಶ್ವಗುರುಗಳಿಗೆ ಹೀಗೆಂದು ಹೇಳಿದೆ: ಕೊಲಂಬಸ್ ಧರ್ಮಕ್ಷೇತ್ರದ ಮತ್ತು ಕಥೋಲಿಕ ಶಾಲೆಗಳ ಕಚೇರಿಯಿಂದ ನಾನು ನಿಮಗೆ ಶುಭಾಶಯಗಳನ್ನು ತರುತ್ತೇನೆ. ನಾನು ಅವರಿಗೆ ಕೊಲಂಬಸ್ ಮೂಲದ ವೃತ್ತಿಪರ ಸಾಕರ್ ತಂಡವಾದ ಕೊಲಂಬಸ್ ಕ್ರೂನ ಜೆರ್ಸಿಯನ್ನು ನೀಡಿದ್ದೇನೆ. ಆದರೆ ಅದು ನಮ್ಮ ಕಥೋಲಿಕ ಶಾಲೆಗಳ ಕಚೇರಿಯ ಲೋಗೋವನ್ನು ಹೊಂದಿದೆ. ನೀವು ನಮಗಾಗಿ ಮಾಡುತ್ತಿರುವ ಎಲ್ಲದಕ್ಕೂ ನಮ್ಮ ಧನ್ಯವಾದಗಳು. ನಾವು ನಿಮಗಾಗಿ ಹಾಗೂ ನಿಮ್ಮ ಸೇವೆಗಾಗಿ ಪ್ರಾರ್ಥಿಸುತ್ತಿದ್ದೇವೆ.

ಜೀವಂತ ಧರ್ಮಸಭೆಯ ಅನುಭವ
ಧರ್ಮಾಧ್ಯಕ್ಷರಾದ ಫೆರ್ನಾಂಡಿಸ್ ರವರು ಕೊಲಂಬಸ್ ಧರ್ಮಕ್ಷೇತ್ರದಲ್ಲಿರುವ ಕಥೋಲಿಕ ಶಾಲೆಗಳ ಕಚೇರಿಯಿಂದ ಹಲವಾರು ಶಾಲಾ ಪ್ರಾಂಶುಪಾಲರು ಸೇರಿದಂತೆ ಮೂವತ್ತು ಪ್ರತಿನಿಧಿಗಳ ಗುಂಪಿನೊಂದಿಗೆ ಶಿಕ್ಷಣ ಪ್ರಪಂಚದ ಜ್ಯೂಬಿಲಿಗಾಗಿ ಬಂದರು. ಜ್ಯೂಬಿಲಿಯು ಅವರಿಗೆ ಪರಿವರ್ತನಾತ್ಮಕ ಅನುಭವವಾಗಬಹುದು ಎಂದು ನಾನು ವಿಶ್ವಾಸವುದರಿಂದ ನಾವು ಅವರನ್ನು ಇಲ್ಲಿಗೆ ಕರೆತಂದಿದ್ದೇವೆ. ವಿಶ್ವಗುರುಗಳು ಅವರನ್ನು ಭೇಟಿಯಾಗುವುದರಲ್ಲಿ ಮಾತ್ರವಲ್ಲದೆ, ಇತರ ಶಿಕ್ಷಕರೊಂದಿಗೆ ಸಂಭಾಷಿಸಿದರು ಎಂದು ಹೇಳಿದರು.

ಇದು ಕೇವಲ ಒಂದು ಉದ್ಯೋಗವಲ್ಲ - ದೈವಕರೆ
ಕೊಲಂಬಸ್‌ನ ಸಂತ ಮೇರಿ ಮ್ಯಾಗ್ಡಲೀನ್ ರವರ ಶಾಲೆಯ ಸಹಾಯಕ ಪ್ರಾಂಶುಪಾಲರಾದ ಕೆರ್ರಿ ರಿಗ್ಲಿರವರು, ಸ್ಪ್ಯಾನಿಷ್ ಮಾತನಾಡುವ ಶಿಕ್ಷಕರನ್ನು ಭೇಟಿಯಾಗುವುದು ಮತ್ತು ವಿಶ್ವಗುರುಗಳ ಮಾತುಗಳನ್ನು ಕೇಳುವುದು ತುಂಬಾ ಸ್ಪೂರ್ತಿದಾಯಕವಾಗಿದೆ ಎಂದು ಹೇಳಿದರು.

ಈ ಪ್ರವಾಸದಿಂದ ತಾನು ರೋಮ್‌ನಲ್ಲಿ ಅನುಭವಿಸಿದ ಬಂಧವಾದ ಕ್ರಿಸ್ತನೊಂದಿಗಿನ ಮತ್ತು ಭೂತಕಾಲದೊಂದಿಗಿನ ಸಂಪರ್ಕದ ಹೊಸ ಅರ್ಥವನ್ನು ಮನೆಗೆ ತೆಗೆದುಕೊಂಡು ಹೋಗುತ್ತೇನೆ ಎಂದು ಗಿನಾ ಸ್ಟಲ್ ರವರು ಹೇಳಿದರು. ಇದು ಭೂತಕಾಲ ಮತ್ತು ಕ್ರಿಸ್ತನೊಂದಿಗಿನ ಸಂಪರ್ಕವನ್ನು ಅನುಭವಿಸುತ್ತಿದೆ ಎಂದು ನಾನು ಭಾವಿಸುತ್ತೇನೆ ಮತ್ತು ಧರೆಯ ಮೇಲೆ ಆತನ ಧ್ಯೇಯವು ನಮ್ಮ ಧ್ಯೇಯವಾಗಿದೆ ಏಕೆಂದರೆ ನಾವು ಆತನ ಕೈಗಳು, ಪಾದಗಳು, ಕಣ್ಣುಗಳು, ಕಿವಿಗಳು ಮತ್ತು ನಾವು ಕಲಿತದ್ದನ್ನು ತೆಗೆದುಕೊಂಡು ಅದನ್ನು ನಮ್ಮ ಶಿಕ್ಷಕರು ತಮ್ಮ ಸಹ ಶಿಕ್ಷಕರಿಗೆ ರವಾನಿಸಬೇಕು, ನಂತರ ಅವರು ಅದನ್ನು ನಮ್ಮ ವಿದ್ಯಾರ್ಥಿಗಳಿಗೆ ರವಾನಿಸುತ್ತಾರೆ ಎಂದು ಅವರು ಹೇಳಿದರು.

ವಿಶ್ವಗುರುಗಳನ್ನು ಭೇಟಿಯಾಗುವುದು, ನೋಡುವುದು, ವಿಶ್ವದಾದ್ಯಂತದ ಇತರ ಕಥೊಲಿಕರೊಂದಿಗೆ ಇರುವುದು, ಧರ್ಮಸಭೆಯ ಅನುಭವ ಮುಂತಾದ ಮಹಿಮಾನ್ವಿತ ಅನುಭವವನ್ನು ಅವರು ಪಡೆದಾಗ, ಅವರು ಅರ್ಥಮಾಡಿಕೊಳ್ಳುತ್ತಾರೆ, 'ಇದು ನನಗೆ ಕೇವಲ ಕೆಲಸವಲ್ಲ, ಇದು ಒಂದು ನಿಜವಾದ ದೈವಕರೆ' ಮತ್ತು ನಮ್ಮ ಶಾಲೆಗಳು ಸುವಾರ್ತಾಬೋಧನೆಗಾಗಿ ಅಸ್ತಿತ್ವದಲ್ಲಿವೆ ಮತ್ತು ಅವು ಆ ಸುವಾರ್ತಾಬೋಧನಾ ಕಾರ್ಯಾಚರಣೆಯ ಭಾಗವಾಗಿದೆ.