COP30ನಲ್ಲಿ "ಧೈರ್ಯದಿಂದ ವರ್ತಿಸಲು" ವಿಶ್ವ ನಾಯಕರನ್ನು ಆಹ್ವಾನಿಸಿದ ಕಥೋಲಿಕ ಧರ್ಮಾಧ್ಯಕ್ಷರುಗಳು ಮತ್ತು NGOಗಳು
ವ್ಯಾಟಿಕನ್ ಸುದ್ದಿ
30ನೇ ವಾರ್ಷಿಕ ವಿಶ್ವಸಂಸ್ಥೆಯ ಹವಾಮಾನ ಬದಲಾವಣೆ ಸಮ್ಮೇಳನ ಅಥವಾ COP30 ಗಾಗಿ ಜಗತ್ತು ಸಜ್ಜಾಗುತ್ತಿರುವಾಗ, ವಿಶ್ವದಾದ್ಯಂತದ ನಾಯಕರು ಮತ್ತು ಪ್ರತಿನಿಧಿಗಳು ವಿಶ್ವದ ಅತಿದೊಡ್ಡ ಮಳೆಕಾಡಿನ ನೆಲೆಯಾದ ಬ್ರೆಜಿಲ್ಗೆ ತೆರಳುತ್ತಿದ್ದಾರೆ.
ಈ ಕಾರ್ಯಕ್ರಮದ ಹಿನ್ನೆಲೆಯಲ್ಲಿ, ಹವಾಮಾನ ನೀತಿಯನ್ನು ಪರಿಹರಿಸುವ US ಕಥೋಲಿಕ ಧರ್ಮಾಧ್ಯಕ್ಷರುಗಳ ಸಮ್ಮೇಳನದ (USCCB) ಸಮಿತಿಗಳನ್ನು ಮುನ್ನಡೆಸುವ ಧರ್ಮಾಧ್ಯಕ್ಷ ಅಧ್ಯಕ್ಷರು, ಕಥೋಲಿಕ ಪರಿಹಾರ ಸೇವೆಯ (CRS) ಅಧ್ಯಕ್ಷರು ಮತ್ತು CEO ಅವರೊಂದಿಗೆ "ದೇವರ ಸೃಷ್ಟಿ ಮತ್ತು ಜನರನ್ನು ರಕ್ಷಿಸಲು” ತುರ್ತು, ಧೈರ್ಯಶಾಲಿ ಕ್ರಮಕ್ಕೆ ಕರೆ ನೀಡಿದರು.
ನವೀಕರಿಸುವ ಸಮಯ
ಈ ಹೇಳಿಕೆಯನ್ನು ದೇಶೀಯ ನ್ಯಾಯ ಮತ್ತು ಮಾನವ ಅಭಿವೃದ್ಧಿಯ ಕುರಿತಾದ ಅಮೆರಿಕದ ಧರ್ಮಾಧ್ಯಕ್ಷರುಗಳ ಸಮಿತಿಯ ಅಧ್ಯಕ್ಷ ಮಹಾಧರ್ಮಾಧ್ಯಕ್ಷರಾದ ಬೋರಿಸ್ ಗುಡ್ಜಿಯಾಕ್; ಅಂತರರಾಷ್ಟ್ರೀಯ ನ್ಯಾಯ ಮತ್ತು ಶಾಂತಿಯ ಕುರಿತಾದ ಅಮೆರಿಕದ ಧರ್ಮಾಧ್ಯಕ್ಷರುಗಳ ಸಮಿತಿಯ ಅಧ್ಯಕ್ಷ ಧರ್ಮಾಧ್ಯಕ್ಷರಾದ ಎ. ಎಲಿಯಾಸ್ ಜೈದಾನ್; ಮತ್ತು ಸಿಆರ್ಎಸ್ನ ಅಧ್ಯಕ್ಷ ಮತ್ತು ಸಿಇಒ ಶ್ರೀ ಸೀನ್ ಕ್ಯಾಲಹನ್ ರಚಿಸಿದ್ದಾರೆ.
COP30 ನ್ನು ಜ್ಯೂಬಿಲಿ ವರ್ಷದ ಸಂದರ್ಭದಲ್ಲಿ ನಡೆಸಲಾಗುತ್ತಿರುವುದರಿಂದ, ಈ ಹೇಳಿಕೆಯು ವಿಶ್ವಗುರು ಲಿಯೋರವರ ಭಾಗವಹಿಸುವವರಿಗೆ "ಧರೆಯ ಕೂಗು ಮತ್ತು ಬಡವರು, ಕುಟುಂಬಗಳು, ಸ್ಥಳೀಯ ಜನರು, ಅನೈಚ್ಛಿಕ ವಲಸಿಗರು ಮತ್ತು ಪ್ರಪಂಚದಾದ್ಯಂತದ ಭಕ್ತವಿಶ್ವಾಸಿಗಳ ಕೂಗನ್ನು ಆಲಿಸಿ" ಎಂಬ ಕರೆಯನ್ನು ಪ್ರತಿಬಿಂಬಿಸುತ್ತದೆ.
ಪವಿತ್ರ ವರ್ಷವು ಜೀವನದ ಉಡುಗೊರೆ ಗಂಭೀರ ಬೆದರಿಕೆಯಲ್ಲಿರುವ ಸಮಯದಲ್ಲಿ ಸಂಬಂಧಗಳನ್ನು ಪುನಃಸ್ಥಾಪಿಸಲು ಮತ್ತು ಸೃಷ್ಟಿಯನ್ನು ನವೀಕರಿಸಲು ಪವಿತ್ರ ಅವಕಾಶ ಎಂದು ಧರ್ಮಾಧ್ಯಕ್ಷರುಗಳು ಮತ್ತು ಸಿಇಒ ಒತ್ತಿ ಹೇಳಿದರು. ಜೀವವೈವಿಧ್ಯತೆಯ ನಷ್ಟ, ಪರಿಸರ ನಾಶ ಮತ್ತು ಹವಾಮಾನ ಬದಲಾವಣೆಯಿಂದ ಸಮುದಾಯಗಳು ಧ್ವಂಸಗೊಳ್ಳುತ್ತಿವೆ.
ದೇವರ ಸೃಷ್ಟಿಯನ್ನು ನೋಡಿಕೊಳ್ಳಲು ವಿಫಲವಾದರೆ, ಒಂದೇ ಮಾನವ ಕುಟುಂಬವಾಗಿ ನಮ್ಮ ಜವಾಬ್ದಾರಿಯನ್ನು ನಿರ್ಲಕ್ಷಿಸಿದಂತೆ ಎಂದು ಹೇಳಿಕೆಯು ಎಚ್ಚರಿಸಿದೆ. ಇದು ಕೃಷಿ ಮತ್ತು ಮೀನುಗಾರಿಕಾ ಕುಟುಂಬಗಳು ಪ್ರತಿದಿನ ಎದುರಿಸುತ್ತಿರುವ ಬೆದರಿಕೆಗಳು, ಸ್ಥಳೀಯ ಜನರ ಭೂಮಿಯ ನಾಶ ಮತ್ತು ಜಾಗತಿಕವಾಗಿ ಮಕ್ಕಳ ಭವಿಷ್ಯಕ್ಕಿರುವ ಅಪಾಯವನ್ನು ಎತ್ತಿ ತೋರಿಸುತ್ತದೆ.
ವಿಶ್ವಗುರು ಫ್ರಾನ್ಸಿಸ್ ರವರ ಲೌಡಾಟೊ ಸಿ’ಎಂಬ ಪರಿಪತ್ರದಲ್ಲಿ, ಅರ್ಜೆಂಟೀನಾದ ವಿಶ್ವಗುರು ಹವಾಮಾನವು ಎಲ್ಲರಿಗೂ ಸೇರಿದ್ದು ಮತ್ತು ಎಲ್ಲರಿಗೂ ಹೇಗೆ ಸಾಮಾನ್ಯ ಒಳಿತಾಗಿದೆ ಎಂಬುದನ್ನು ಎತ್ತಿ ತೋರಿಸಿದ್ದಾರೆ. ವಿಶ್ವಗುರುವಿನ ದಾಖಲೆಯಲ್ಲಿ ವಿವರಿಸಿದಂತೆ, ಅಂತರ-ಪೀಳಿಗೆಯ ಒಗ್ಗಟ್ಟು ಐಚ್ಛಿಕವಲ್ಲ. ಆದ್ದರಿಂದ, ಪ್ಯಾರಿಸ್ ಒಪ್ಪಂದದ ಬಲವಾದ ಅನುಷ್ಠಾನಕ್ಕಾಗಿ ತಕ್ಷಣವೇ ಮತ್ತು ಧೈರ್ಯದಿಂದ ಕ್ರಮ ಕೈಗೊಳ್ಳುವಂತೆ ಧರ್ಮಾಧ್ಯಕ್ಷರಾದ ಗುಡ್ಜಿಯಾಕ್ ರವರು, ಧರ್ಮಾಧ್ಯಕ್ಷರಾದ ಜೈದಾನ್ ರವರು ಮತ್ತು ಶ್ರೀ ಕ್ಯಾಲಹನ್ ರವರು ವಿಶ್ವ ನಾಯಕರಿಗೆ ಕರೆ ನೀಡಿದರು.
ಈ ಎಲ್ಲಾ ಕ್ರಮಗಳು ಒಟ್ಟಾಗಿ, ಸಮಗ್ರ ಪರಿಸರ ವಿಜ್ಞಾನ ಮತ್ತು ಪ್ರಕ್ರಿಯೆಯಲ್ಲಿ ಬಡವರು ಮತ್ತು ಅಂಚಿನಲ್ಲಿರುವವರಿಗೆ ಆದ್ಯತೆ ನೀಡುವತ್ತ ಕೆಲಸ ಮಾಡಬಹುದು ಎಂದು ಹೇಳಿಕೆ ಒತ್ತಿಹೇಳಿದೆ.
ಧರ್ಮಾಧ್ಯಕ್ಷರಾದ ಗುಡ್ಜಿಯಾಕ್ ರವರು, ಧರ್ಮಾಧ್ಯಕ್ಷರಾದ ಜೈದಾನ್ ರವರು ಮತ್ತು ಶ್ರೀ ಕ್ಯಾಲಹನ್ ರವರ ಬೆಂಬಲ ಮತ್ತು ಒಗ್ಗಟ್ಟಿಗಾಗಿ ಪ್ರಾರ್ಥನೆ ಸಲ್ಲಿಸುತ್ತಾ ತಮ್ಮ ಸಂದೇಶವನ್ನು ಮುಕ್ತಾಯಗೊಳಿಸಿದರು ಹಾಗೂ ನಮ್ಮ ಸಾಮಾನ್ಯ ಮನೆಯ ಭವಿಷ್ಯವನ್ನು ರಕ್ಷಿಸಲು ಸಹಕರಿಸುವುದಾಗಿ ಪ್ರತಿಜ್ಞೆ ಮಾಡಿದರು.
