ಕ್ರಮಾವಳಿಗಳ ಯುಗದಲ್ಲಿ ಕಥೋಲಿಕ ವಿಶ್ವವಿದ್ಯಾಲಯಗಳು ಹೊಸ ಮಾನವತಾವಾದ ಜಾಲ
ಅಮೆಡಿಯೊ ಲೊಮೊನಾಕೊ
ಸ್ಪೇನ್ನ ಸಲಾಮಾಂಕಾದಲ್ಲಿ ನಡೆದ ಅಂತರರಾಷ್ಟ್ರೀಯ ಸಮ್ಮೇಳನದಲ್ಲಿ, ಕಥೋಲಿಕ ಮತ್ತು ವಿಶ್ವಗುರುಗಳ ಸಂಸ್ಥೆಗಳಲ್ಲಿ ಆಂತರಿಕ ಸಂವಹನ: ಮಿತಿಗಳು ಮತ್ತು ಸವಾಲುಗಳು ಎಂಬ ವಿಷಯದ ಕುರಿತು ಚರ್ಚಿಸಲಾದ ಹಂಚಿಕೆಯ ಧ್ಯೇಯವನ್ನು ಗುರುತಿಸಿದ ವಿಷಯಗಳ ಸುತ್ತ ಆಂತರಿಕ ಸಂವಾದವು ಗುರುತನ್ನು ಬಲಪಡಿಸುತ್ತದೆ ಮತ್ತು ವಿಶ್ವವಿದ್ಯಾಲಯ ಸಮುದಾಯವನ್ನು ಹೇಗೆ ಒಂದುಗೂಡಿಸುತ್ತದೆ ಎಂಬುದನ್ನು ಅನ್ವೇಷಿಸುತ್ತದೆ. ಈ ಸಮ್ಮೇಳನವು ನವೆಂಬರ್ 14 ರಂದು ಮುಕ್ತಾಯವಾಯಿತು ಮತ್ತು ಇದನ್ನು ಸಲಾಮಾಂಕಾದ ವಿಶ್ವಗುರುಗಳ ವಿಶ್ವವಿದ್ಯಾಲಯ ಮತ್ತು ಅಂತರರಾಷ್ಟ್ರೀಯ ಕಥೋಲಿಕ ವಿಶ್ವವಿದ್ಯಾಲಯಗಳ ಒಕ್ಕೂಟವು ಆಯೋಜಿಸಿತ್ತು. ಯುರೋಪ್, ಆಫ್ರಿಕಾ, ದಕ್ಷಿಣ ಅಮೆರಿಕಾ, ಏಷ್ಯಾ ಮತ್ತು ಓಷಿಯಾನಿಯಾದಾದ್ಯಂತದ ವಿಶ್ವವಿದ್ಯಾಲಯಗಳ ಪ್ರತಿನಿಧಿಗಳು ಈ ಸಮ್ಮೇಳನದಲ್ಲಿ ಭಾಗವಹಿಸಿದ್ದರು.
ಧರ್ಮಸಭೆಗೆ ಸೇವೆ ಸಲ್ಲಿಸಲು ಉತ್ತಮವಾದ ಸಂವಹನ ನಡೆಸುವುದು
ಈ ಕಾರ್ಯಕ್ರಮವನ್ನು ನವೆಂಬರ್ 12 ರಂದು ಸಲಾಮಾಂಕಾ ವಿಶ್ವಗುರುಗಳ ವಿಶ್ವವಿದ್ಯಾಲಯದ ಮೆಲ್ವಿಚಾರಕರಾದ ಸ್ಯಾಂಟಿಯಾಗೊ ಗಾರ್ಸಿಯಾ-ಜಲೋನ್ ಡೆ ಲಾ ಲಾಮಾರವರು ಉದ್ಘಾಟಿಸಿದರು, ಅವರು ಕುಶಲಕರ್ಮಿಗಳು ಮತ್ತು ಅರಿವಿನ ಮಧ್ಯವರ್ತಿಗಳಾಗುವುದರ ಮಹತ್ವವನ್ನು ಒತ್ತಿ ಹೇಳಿದರು. ಕಥೋಲಿಕ ವಿಶ್ವವಿದ್ಯಾನಿಲಯದೊಳಗೆ ಸಂವಹನ ನಡೆಸುವುದು ಎಂದರೆ ಸತ್ಯ, ಸಹ-ಜವಾಬ್ದಾರಿ ಮತ್ತು ಸೇವೆಯ ಬಂಧಗಳನ್ನು ಹೆಣೆಯುವುದು ಎಂದು ಅವರು ಹೇಳಿದರು. ಇದು ವ್ಯಕ್ತಿಯನ್ನು ಮೀರಿದ ಸಾಮಾನ್ಯ ಧ್ಯೇಯದ ಭಾಗವಾಗಿರುವ ಭಾವನೆಯನ್ನು ಬೆಳೆಸುವುದು ಎಂದರ್ಥ. ವಿಶ್ವಗುರುಗಳ ಮತ್ತು ಕಥೋಲಿಕ ಸಂಸ್ಥೆಗಳಲ್ಲಿ, ಉತ್ತಮ ವಿಧಾನದ ಆಂತರಿಕ ಸಂವಹನವು ಧರ್ಮಸಭೆಗೆ ಸೇವೆ ಸಲ್ಲಿಸುವ ಒಂದು ಮಾರ್ಗವಾಗಿದೆ.
AI, ಒಂದು ಉಡುಗೊರೆ
ಸಮ್ಮೇಳನದ ಆರಂಭಿಕ ದಿನದಂದು, ಸಂವಹನಕ್ಕಾಗಿ ಡಿಕ್ಯಾಸ್ಟರಿಯ ಪ್ರಿಫೆಕ್ಟ್ ಪಾವೊಲೊ ರುಫಿನಿರವರು, ಧರ್ಮಸಭೆಯ ಪ್ರಮುಖ ತತ್ವಗಳಲ್ಲಿ ಒಂದು, ಅದು "ಸಂವಹನ" ಎಂದು ಭಾಗವಹಿಸುವವರಿಗೆ ನೆನಪಿಸಿದರು. ಕೃತಕ ಬುದ್ಧಿಮತ್ತೆಯ ಬಗ್ಗೆ ಅವರು ಒತ್ತಿ ಹೇಳಿದ್ದು, ಕೃತಕ ಬುದ್ಧಿಮತ್ತೆಯನ್ನು, ಒಳ್ಳೆಯದು ಅಥವಾ ಕೆಟ್ಟದ್ದಕ್ಕಾಗಿ ಬಳಸಬಹುದಾದ ಉಡುಗೊರೆ ಎಂದು ನೋಡಬೇಕು. ಕೃತಕ ಬುದ್ಧಿಮತ್ತೆಯು ಮಾನವ ಬುದ್ಧಿಮತ್ತೆಯ ಪರಿಣಾಮವಾಗಿದೆ, ಅದರ ಬದಲಿಯಲ್ಲ ಎಂದು ಅವರು ನೆನಪಿಸಿಕೊಂಡರು. ಮಾನವ ಸ್ವಭಾವದ ನಿರ್ಧಾರಗಳನ್ನು ಕೃತಕ ಬುದ್ಧಿಮತ್ತೆಗೆ ವಹಿಸಬಾರದು, ನೈತಿಕ ಪರಿಗಣನೆಗಳು ಮತ್ತು ಒಳ್ಳೆಯದು ಕೆಟ್ಟದ್ದನ್ನು ವಿವೇಚಿಸುವ ಸಾಮರ್ಥ್ಯವನ್ನು ಒಳಗೊಂಡಿರಬೇಕು ಎಂದು ಹೇಳಿದರು.
AI ಮತ್ತು ಶಿಕ್ಷಣ
ಸಂಸ್ಕೃತಿ ಮತ್ತು ಶಿಕ್ಷಣ ಇಲಾಖೆಯ ಕಾರ್ಯದರ್ಶಿಯಾದ ಧರ್ಮಾಧ್ಯಕ್ಷರಾದ ಪೌಲ್ ಟಿಘೆರವರು ಕೃತಕ ಬುದ್ಧಿಮತ್ತೆಯ ಯುಗದಲ್ಲಿ ಕಥೋಲಿಕ ವಿಶ್ವವಿದ್ಯಾಲಯಗಳು ಎಂಬ ವಿಷಯದ ಮೇಲೆ ತಮ್ಮ ಭಾಷಣವನ್ನು ಕೇಂದ್ರೀಕರಿಸಿದರು. ಬದಲಾಗುತ್ತಿರುವ ಮತ್ತು ನಿರಂತರ ವಿಕಸನದಲ್ಲಿರುವ ಜಗತ್ತಿನಲ್ಲಿ AI ಬಗ್ಗೆ ಮತ್ತು ಅದರ ಬಗ್ಗೆ ಶಿಕ್ಷಣ ನೀಡುವ ಅಗತ್ಯವನ್ನು ಅವರು ಗಮನಸೆಳೆದರು. "ಜನರೇಟಿವ್ AI," ನಾಲ್ಕನೇ ಕೈಗಾರಿಕಾ ಕ್ರಾಂತಿ ಎಂದು ವಿವರಿಸಲಾದ ಮಹತ್ವದ ಪರಿವರ್ತನೆಯನ್ನು ಪ್ರತಿನಿಧಿಸುತ್ತದೆ.
