ಸಿನೊಡ್: ಅಧ್ಯಯನ ಗುಂಪುಗಳ ವರದಿಗಳ ಪ್ರಕಟನೆ
ಸಾಲ್ವಟೋರ್ ಸೆರ್ನುಜಿಯೊ
ರೋಮನ್ ಕಾರ್ಯಾಲಾಯದ ಡಿಕಾಸ್ಟ್ರಿಗಳು ಮತ್ತು ಸಿನೊಡ್ನ ಪ್ರಧಾನ ಕಾರ್ಯದರ್ಶಿಯ ನಡುವೆ ನಿಕಟ ಸಹಯೋಗವನ್ನು ಬಯಸಿದ ವಿಶ್ವಗುರು ಫ್ರಾನ್ಸಿಸ್ ರವರ ಆಜ್ಞೆಯ ಮೇರೆಗೆ ಸ್ಥಾಪನೆಯಾದ ಇಪ್ಪತ್ತು ತಿಂಗಳ ನಂತರ, ಸಿನೊಡಲಿಟಿಯ ಕುರಿತಾದ ಸಿನೊಡ್ನ ಎರಡು ಅಧಿವೇಶನಗಳಲ್ಲಿ ಹೊರಹೊಮ್ಮಿದ ಸಮಸ್ಯೆಗಳನ್ನು ಪರಿಶೀಲಿಸಲು ಹತ್ತು ಅಧ್ಯಯನ ಗುಂಪುಗಳು ಇಂದು ನವೆಂಬರ್ 17 ರಂದು ತಮ್ಮ ಮಧ್ಯಂತರ ವರದಿಗಳನ್ನು ಬಿಡುಗಡೆ ಮಾಡಿದವು.
ಎರಡು ಹೊಸ ಗುಂಪುಗಳು
ವಿಷಯಗಳು ವೈವಿಧ್ಯಮಯವಾಗಿವೆ: ಡಿಜಿಟಲ್ ಜಗತ್ತಿನಲ್ಲಿ ಧರ್ಮಪ್ರಚಾರದ ಸೇವಾಕಾರ್ಯಗಳು ಮತ್ತು ಧರ್ಮಸಭೆಯಲ್ಲಿ ಮಹಿಳೆಯರ ಪಾತ್ರ, ಪೂರ್ವ ಕಥೋಲಿಕ ಧರ್ಮಸಭೆಗಳು ಮತ್ತು ಲತೀನ್ ಧರ್ಮಸಭೆಯ ನಡುವಿನ ಸಂಬಂಧಗಳಲ್ಲಿ ರಾಯಭಾರಿಗಳ ಪಾತ್ರ ಮತ್ತು ಧರ್ಮಾಧ್ಯಕ್ಷರುಗಳ ಆಯ್ಕೆಯವರೆಗೆ; ಸಾರ್ವತ್ರಿಕ ಧರ್ಮಸಭೆಯಿಂದ ವಿವಾದಾತ್ಮಕ ಸೈದ್ಧಾಂತಿಕ ಸಮಸ್ಯೆಗಳವರೆಗೆ, ಯುದ್ಧದ ಸಂದರ್ಭದಲ್ಲಿ ಮಹಿಳೆಯರ ಮೇಲಿನ ಹಿಂಸೆಯಂತಹ "ಉದಯೋನ್ಮುಖ" ಸಮಸ್ಯೆಗಳೆಂದು ಉತ್ತಮವಾಗಿ ವ್ಯಾಖ್ಯಾನಿಸಲಾಗಿದೆ.
ವರದಿಗಳ ಜೊತೆಗೆ, ಬಹುಪತ್ನಿತ್ವದ ಸವಾಲಿನ ಕುರಿತು ಧರ್ಮಶಾಸ್ತ್ರದ ಕಾನೂನು ಆಯೋಗ ಮತ್ತು SECAM (ಆಫ್ರಿಕಾ ಮತ್ತು ಮಡಗಾಸ್ಕರ್ನ ಧರ್ಮಾಧ್ಯಕ್ಷರುಗಳ ಸಮ್ಮೇಳನಗಳ ಸಿಂಪೋಸಿಯಂ) ಹಾಗೂ ಸಿನೊಡಲ್ ದೃಷ್ಟಿಕೋನದಲ್ಲಿ ಪ್ರಾರ್ಥನೆಯ ಗುಂಪಿನ ಕೊಡುಗೆಗಳನ್ನು ಸಹ ಮೊದಲ ಬಾರಿಗೆ ಪ್ರಸ್ತುತಪಡಿಸಲಾಯಿತು. ಎರಡನೆಯದು, ವಿಶ್ವಗುರು XIVನೇ ಲಿಯೋರವರು ಅಂತಿಮ ದಾಖಲೆಯ ಬೆಳಕಿನಲ್ಲಿ ಬಯಸಿದ ಎರಡು ಹೊಸ ಗುಂಪುಗಳಲ್ಲಿ ಇದು ಒಂದಾಗಿದೆ ಮತ್ತು ಇದು ಜುಲೈ 2025ರ ಕೊನೆಯಲ್ಲಿ ಈ ಕಾರ್ಯವನ್ನು ಪ್ರಾರಂಭಿಸಿತು. ಇನ್ನೊಂದು ಇನ್ನೂ ರಚನೆಯಾಗುತ್ತಿದ್ದು, ಇದು ಸಾರ್ವತ್ರಿಕ ಧರ್ಮಸಭೆಯ ಸಮ್ಮೇಳನಗಳು, ಧರ್ಮಸಭೆಯ ಧಾರ್ಮಿಕ ಸಭೆಗಳು ಮತ್ತು ನಿರ್ದಿಷ್ಟ ಮಂಡಳಿಗಳ ಶಾಸನಗಳಿಗೆ ಸಂಬಂಧಿಸಿದೆ.
ಅಂತಿಮ ವರದಿಗಳನ್ನು ಸಲ್ಲಿಸುವ ಗಡುವಿನ ವಿಸ್ತರಣೆ
ಜೂನ್ 2025 ರ ಅಂತ್ಯದ ವೇಳೆಗೆ ಎಲ್ಲಾ ಗುಂಪುಗಳು ವಿಶ್ವಗುರುಗಳಿಗೆ, ತಮ್ಮ ಆಲೋಚನೆಗಳನ್ನು ಅಥವಾ ಅಭಿಪ್ರಾಯಗಳನ್ನು ಸಲ್ಲಿಸಲು ಕೇಳಲಾಯಿತು. ಫ್ರಾನ್ಸಿಸ್ ರವರ ನಿಧನ, ವಿಶ್ವಗುರು XIVನೇ ಲಿಯೋರವರ ಚುನಾವಣೆ ಮತ್ತು ಆ ಕಾರ್ಯಕ್ಕೆ ಹೆಚ್ಚಿನ ಸಮಯದ ಅಗತ್ಯದಿಂದಾಗಿ ವರದಿಗಳನ್ನು ಸಲ್ಲಿಸುವ ಗಡುವನ್ನು ವಿಸ್ತರಿಸುವುದು ಅಗತ್ಯವಾಯಿತು. ಕಳೆದ ಜುಲೈನಲ್ಲಿ, XIVನೇ ಲಿಯೋರವರು ಈ ಗಡುವಿನ ವಿಸ್ತರಣೆಯನ್ನು ಮಂಜೂರು ಮಾಡಿ, ಡಿಸೆಂಬರ್ 31, 2025 ರೊಳಗೆ ಆದಷ್ಟು ಬೇಗ, ಅಂತಿಮ ವರದಿಗಳನ್ನು ತನಗೆ ಸಲ್ಲಿಸುವಂತೆ ಕೇಳಿಕೊಂಡರು. ಕೆಲವು ಗುಂಪುಗಳು ಈಗ ತಮ್ಮ ಕಾರ್ಯವನ್ನು ಪೂರ್ಣಗೊಳಿಸುವ ಹಂತದಲ್ಲಿವೆ, ಆದರೆ ಇನ್ನು ಕೆಲವು ಮುಂದಿನ ತಿಂಗಳುಗಳವರೆಗೆ ಮುಂದುವರಿಯುವ ಹಂತದಲ್ಲಿವೆ ಎಂದು ಸಿನೊಡ್ನ ಪ್ರಧಾನ ಕಾರ್ಯದರ್ಶಿ ಕಾರ್ಡಿನಲ್ ಮಾರಿಯೋ ಗ್ರೆಚ್ ರವರು ಅದರ ಜೊತೆಗಿನ ಟಿಪ್ಪಣಿಯಲ್ಲಿ ಬರೆಯುತ್ತಾರೆ.
ಪೂರ್ವ ಧರ್ಮಸಭೆಗಳೊಂದಿಗಿನ ಸಂಬಂಧಗಳು
ಪೂರ್ವ ಕಥೋಲಿಕ ಧರ್ಮಸಭೆಗಳು ಮತ್ತು ಲತೀನ್ ಧರ್ಮಸಭೆಗಳ ನಡುವಿನ ಸಂಬಂಧಗಳ ಕುರಿತು ಮೊದಲ ವರದಿಯನ್ನು ಅಧ್ಯಯನ ಗುಂಪು 1 ಸಿದ್ಧಪಡಿಸಿದೆ, ಇದರ ಸದಸ್ಯರನ್ನು ಪೂರ್ವ ಧರ್ಮಸಭೆಗಳಿಗೆ ಡಿಕಾಸ್ಟರಿ ಆಯ್ಕೆ ಮಾಡಿದೆ. ಮಧ್ಯಪ್ರಾಚ್ಯದ ಕಥೋಲಿಕ ಪಿತೃಪ್ರಧಾನರ ಮಂಡಳಿಯು ರೂಪಿಸಿದ 25 ಪ್ರಶ್ನೆಗಳ ಪ್ರಶ್ನಾವಳಿ, "ಪ್ರಸ್ತಾಪಗಳು ಮತ್ತು ಸಲಹೆಗಳು" ಹಾಗೂ "ಸಾಮಾನ್ಯ ಆಸಕ್ತಿಯ ವಿಷಯಗಳ" ಕುರಿತು ಸಮಾಲೋಚನೆಯು ಗುಂಪು 1 ಮತ್ತು ಪೂರ್ವಸಿದ್ಧತಾ ಗುಂಪಿನ ಕಾರ್ಯವನ್ನು ಸೂಚಿಸಿತು, ಇದು ಶ್ರೇಣಿ ವ್ಯವಸ್ಥೆಯಿಲ್ಲದಿರುವ ಡಯಾಸ್ಪೊರಾದಲ್ಲಿ ಪೂರ್ವದ ಭಕ್ತವಿಶ್ವಾಸಿಗಳ ಪಾಲನಾ ಸೇವೆ ಆರೈಕೆಯ ಮೇಲೆ ಮಾತ್ರ ಕೇಂದ್ರೀಕರಿಸಿದೆ. ಈ ಗುಂಪು ಅಭಿವೃದ್ಧಿಪಡಿಸಲು ಉದ್ದೇಶಿಸಿರುವ ವಿಷಯಗಳಲ್ಲಿ ಪೂರ್ವ ಧರ್ಮಶಾಸ್ತ್ರದ ಕಾನೂನಿನ ಮಾನದಂಡಗಳ ಪರಿಷ್ಕರಣೆಯೂ ಸೇರಿದೆ.
