ಕಾರ್ಡಿನಲ್ ಪರೋಲಿನ್: ಉಕ್ರೇನಿಯದವರನ್ನು ಶಾಂತಿಯಲ್ಲಿರಿಸಲು ದೇವರಿಗೆ ವಿನಂತಿ

ಇಸಾಬೆಲ್ಲಾ ಎಚ್. ಡಿ ಕಾರ್ವಾಲ್ಹೋ

ಉಕ್ರೇನ್‌ನಲ್ಲಿ, ಸಾವಿರಾರು ನಾಗರಿಕರನ್ನು ಕತ್ತಲೆ ಮತ್ತು ಶೀತದಲ್ಲಿ ಬದುಕುವಂತೆ ಒತ್ತಾಯಿಸುವುದಕ್ಕೆ ಯಾವುದೇ ಸಮರ್ಥನೆಯಿಲ್ಲ. ನಾಗರಿಕ ರಚನೆಗಳಲ್ಲಿನ ವಿದ್ಯುತ್ ವ್ಯವಸ್ಥೆಗಳ ಮೇಲಿನ ದಾಳಿಯ ಸುದ್ದಿಯಿಂದ ನಾವು ತೀವ್ರವಾಗಿ ಪ್ರಭಾವಿತರಾಗಿದ್ದೇವೆ, ಇದು ಅನೇಕ ಜನರ ಜೀವನವನ್ನು ಇನ್ನಷ್ಟು ಕಷ್ಟಕರವಾಗಿಸಿದೆ.

ಈ ಮಾತುಗಳೊಂದಿಗೆ, ಕಾರ್ಡಿನಲ್ ವಿದೇಶಾಂಗ ಕಾರ್ಯದರ್ಶಿ ಪಿಯೆಟ್ರೊ ಪರೋಲಿನ್ ರವರು ನವೆಂಬರ್ 20ರ ಗುರುವಾರ ರೋಮ್‌ನ ಸಂತ ಆಂಡ್ರಿಯಾ ಡೆಲ್ಲಾ ವ್ಯಾಲೆರವರ ದೇವಾಲಯದಲ್ಲಿ ಆಚರಿಸಲಾದ ದಿವ್ಯಬಲಿಪೂಜೆಯನ್ನು ತಮ್ಮ ಪ್ರಸಂಗದ ಸಮಯದಲ್ಲಿ ಯುದ್ಧಪೀಡಿತ ಉಕ್ರೇನಿಯದ ಜನರ ನೋವನ್ನು ಅಲ್ಲಿ ನೆರೆದಿದ್ದ ಭಕ್ತವಿಶ್ವಾಸಿಗಳಿಗೆ ಹೇಳಿದರು.

ಉಕ್ರೇನಿಯದ ರಾಯಭಾರ ಕಚೇರಿ ಮತ್ತು ಮಾಲ್ಟಾದ ಸಾರ್ವಭೌಮ ಆದೇಶವು ಆಯೋಜಿಸಿದ್ದ ಈ ಪ್ರಾರ್ಥನೆಯನ್ನು, ಲಕ್ಷಾಂತರ ಸಾವುಗಳಿಗೆ ಕಾರಣವಾದ ಸಾಮೂಹಿಕ ಆಸ್ತಿ ವ್ಯವಸ್ಥೆಯ ವಿರುದ್ಧ ಉಕ್ರೇನಿಯದ ಜನತೆಯು ಪ್ರತಿಭಟಿಸಿದ ನಂತರ, ಸೋವಿಯತ್ ಆಡಳಿತವು ನಡೆಸಿದ 1932-33ರ ಹೋಲೋಡೋಮರ್ ಕ್ಷಾಮದ ಸಂತ್ರಸ್ತರುಗಳನ್ನು ಸ್ಮರಿಸಿ ಪ್ರಾರ್ಥನೆ ಮತ್ತು ದಿವ್ಯಬಲಿಪೂಜೆಯನ್ನು ಅರ್ಪಿಸಿಲಾಯಿತು.

ನಾಗರಿಕ ಜನತೆಗೆ ಘನತೆಯಿಂದ ಬದುಕುವ ಅವಕಾಶವನ್ನು ಕಸಿದುಕೊಳ್ಳುವ ಪ್ರತಿಯೊಂದು ಕ್ರಿಯೆಯೂ ಮಾನವೀಯತೆಯ ವಿರುದ್ಧದ ಅಪರಾಧ, ಬೆಳಕು, ಜೀವನ ಮತ್ತು ಕರುಣೆಯಾಗಿರುವ ದೇವರ ವಿರುದ್ಧದ ಆಕ್ರೋಶವಾಗಿದೆ. ಹಸಿವು, ಅನಿಶ್ಚಿತತೆ, ಯುದ್ಧ, ಚಳಿಗಾಲದ ಶೀತ, ಸೆರೆವಾಸ ಮತ್ತು ಗಡಿಪಾರುಗಳಿಂದ ಬಳಲುತ್ತಿರುವವರ ಬಗ್ಗೆ ನಾವು ಅಸಡ್ಡೆ ತೋರಲು ಸಾಧ್ಯವಿಲ್ಲ ಎಂದು ಕಾರ್ಡಿನಲ್ ಹೇಳಿದರು.

ಮಂಗಳವಾರ ಸಂಜೆ ಪತ್ರಕರ್ತರಿಗೆ ವಿಶ್ವಗುರು ಲಿಯೋರವರ ದುರದೃಷ್ಟವಶಾತ್, ಪ್ರತಿದಿನ ಒಂದಲ್ಲ ಇನ್ನೊಂದು ಕಾರಣದಿಂದ ಜನರು ಸಾಯುತ್ತಿದ್ದಾರೆ. ಈ ಕದನ ವಿರಾಮದಿಂದ ಪ್ರಾರಂಭಿಸಿ, ನಂತರ ಸಂಭಾಷಣೆಯೊಂದಿಗೆ ನಾವು ಶಾಂತಿಯನ್ನು ಒತ್ತಾಯಿಸಬೇಕೆಂದು ಹೇಳಿದ ಮಾತುಗಳನ್ನು ಅವರು ನೆನಪಿಸಿಕೊಂಡರು.

ರಾಯಭಾರಿಯ ಕೃತಜ್ಞತೆ
ಪವಿತ್ರ ಪೀಠಕ್ಕೆ ಉಕ್ರೇನಿಯದ ರಾಯಭಾರಿ ಆಂಡ್ರಿ ಯುರಾಶ್, ಕಾರ್ಡಿನಲ್ ಪರೋಲಿನ್ ಮತ್ತು ಹಲವಾರು ಇಟಾಲಿಯದ ರಾಜಕೀಯ ಪ್ರತಿನಿಧಿಗಳು ಮತ್ತು ರೋಮ್‌ನಲ್ಲಿರುವ ಸುಮಾರು 80 ಧರ್ಮಪ್ರಚಾರಕರಲ್ಲಿ 50ಕ್ಕೂ ಹೆಚ್ಚು ರಾಯಭಾರಿಗಳು ಸೇರಿದಂತೆ ಹಾಜರಿದ್ದ ಎಲ್ಲರಿಗೂ ಧನ್ಯವಾದ ಅರ್ಪಿಸಿದರು. ಯುರಾಶ್ ವಿಶೇಷವಾಗಿ 14 ರಿಂದ 18ವರ್ಷ ವಯಸ್ಸಿನ ನಾಲ್ಕು ಉಕ್ರೇನಿಯದ ಹದಿಹರೆಯದವರ ನಿಯೋಗದ ಉಪಸ್ಥಿತಿಯನ್ನು ಎತ್ತಿ ತೋರಿಸಿದರು. ಅವರನ್ನು ಯುದ್ಧದ ಆರಂಭದಲ್ಲಿ ರಷ್ಯಾಕ್ಕೆ ಕರೆದೊಯ್ಯಲಾಯಿತು.

ಅವರು ಮೂವರು ಮಹಿಳೆಯರ ಉಪಸ್ಥಿತಿಯನ್ನು ಒತ್ತಿ ಹೇಳಿದರು, ಅವರು ಪ್ರತಿರೋಧ ಮತ್ತು ಘನತೆಯ ವೀರರು, ಅವರು ಶಕ್ತಿ ಹಾಗೂ ಅಸಾಧಾರಣ ದೃಢಸಂಕಲ್ಪವನ್ನು ತೋರಿಸಿದರು ಎಂದು ಹೇಳಿದರು. ದಿವ್ಯಬಲಿಪೂಜೆಯ ಕೊನೆಯಲ್ಲಿ, "ಉಕ್ರೇನ್‌ಗಾಗಿ ಪ್ರಾರ್ಥನೆ" ಎಂಬ ಕಲಾ ಪ್ರದರ್ಶನದ ಉದ್ಘಾಟನೆ ಮತ್ತು ಮಹಾನಗರದ ಸ್ಟ್ರಿಂಗ್ ಕ್ವಿಂಟೆಟ್‌ನ ಪ್ರದರ್ಶನದೊಂದಿಗೆ ಸಂಗೀತ ಕಚೇರಿಯೂ ಇತ್ತು. ದಿವ್ಯಬಲಿಪೂಜೆಯಲ್ಲಿ ಉಕ್ರೇನ್ ಅಧ್ಯಕ್ಷರ ಕಚೇರಿಯ ಉಪ-ಮುಖ್ಯಸ್ಥೆ ಐರಿನಾ ವೆರೆಶ್ಚುಕ್ ರವರು ಕೂಡ ಭಾಗವಹಿಸಿದ್ದರು.

ಶಾಂತಿ ಯೋಜನೆ
ಪವಿತ್ರ ದಿವ್ಯಬಲಿಪೂಜೆಯ ನಂತರ, ಪತ್ರಿಕಾ ಪ್ರಶ್ನೆಗಳಿಗೆ ಉತ್ತರಿಸಿದ ಕಾರ್ಡಿನಲ್, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ರವರು ಪ್ರಸ್ತಾಪಿಸಿದ 28 ಅಂಶಗಳ ಶಾಂತಿ ಯೋಜನೆಯ ಕುರಿತು ಪ್ರತಿಕ್ರಿಯಿಸುತ್ತಾ, ಯುದ್ಧದ ವಿಷಯವನ್ನು ಎತ್ತಿ ತೋರಿಸಿದರು. ಈ ದುರಂತವನ್ನು ಕೊನೆಗೊಳಿಸಲು ಸಂಭಾಷಣೆಯ ಮಾರ್ಗಗಳು ತೆರೆದುಕೊಳ್ಳುತ್ತವೆ ಎಂಬುದು ಅವರ ಆಶಯ. ಒಂದು ಕಡೆಯ ಅಗತ್ಯತೆಗಳು ಮತ್ತು ಇನ್ನೊಂದು ಕಡೆಯ ಬೇಡಿಕೆಗಳ ನಡುವೆ ರಾಜಿ ಕಂಡುಕೊಳ್ಳುವುದು ತುಂಬಾ ಕಷ್ಟಕರವಾಗಿರುತ್ತದೆ. ಹಾಗಾಗಿ ಮಾತುಕತೆಯ ಹಾದಿಯು ಕಠಿಣ ಯುದ್ಧವಾಗಿರುತ್ತದೆ ಎಂದು ನಾನು ಊಹಿಸುತ್ತೇನೆ, ಎಂದು ವಿದೇಶಾಂಗ ಕಾರ್ಯದರ್ಶಿ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದರು.