ಜಗದ್ಗುರುಗಳ ಗೃಹಸ್ಥಾನದ ಹೊಸ ಪ್ರಿಫೆಕ್ಟ್ ಆಗಿ ನೇಮಕಗೊಂಡ ಆರ್ಚ್ಬಿಷಪ್ ರಾಜಿಕ್ ರವರು ಜಗದ್ಗುರುಗಳಿಗೆ ಕೃತಜ್ಞತೆಯನ್ನು ವ್ಯಕ್ತಪಡಿಸಿದರು.
ವ್ಯಾಟಿಕನ್ ವರದಿ
ಆರ್ಚ್ಬಿಷಪ್ ರಾಜಿಕ್ ರವರು, ಜಗದ್ಗುರುಗಳು ತಮ್ಮ ಮೇಲೆ ಇಟ್ಟಿರುವ ನಂಬಿಕೆ ಮತ್ತು ಹೊಸ ಹೊಣೆಗಾರಿಕೆಗೆ ಆಳವಾದ ಕೃತಜ್ಞತೆಯನ್ನು ವ್ಯಕ್ತಪಡಿಸಿ, ಜಗದ್ಗುರುಗಳು ಹಾಗೂ “ಸಾರ್ವತ್ರಿಕ ಧರ್ಮ ಸಭೆಗೆ ಸೇವೆ ಸಲ್ಲಿಸುವ ತಮ್ಮ ಆಶಯವನ್ನು ತಿಳಿಸಿದರು.
ಇದುವರೆಗೆ ಇಟಲಿ ಮತ್ತು ಸ್ಯಾನ್ ಮರಿನೊ ಗಣರಾಜ್ಯಕ್ಕೆ ಪ್ರೇಷಿತರ ರಾಯಭಾರಿಯಾಗಿದ್ದ ಆರ್ಚ್ಬಿಷಪ್ ಪೆಟಾರ್ ರಾಜಿಕ್ ರವರು, ಮಾರ್ಚ್ 30ರಂದು ಜಗದ್ಗುರುಗಳ ಗೃಹಸ್ಥಾನದ ಪ್ರಿಫೆಕ್ಚರ್ನ ಪ್ರಿಫೆಕ್ಟ್ ಆಗಿ ನೇಮಕಗೊಂಡಿರುವ ಕುರಿತು ತಮ್ಮ ಪ್ರತಿಕ್ರಿಯೆಯನ್ನು ವ್ಯಕ್ತಪಡಿಸಿದರು.
ಕ್ರೊಯೇಷಿಯನ್ ಕುಟುಂಬದಲ್ಲಿ ಕೆನಡಾದಲ್ಲಿ ಜನಿಸಿದ ಈ ಆರ್ಚ್ಬಿಷಪ್ ರವರು, ಪ್ರಿಫೆಕ್ಚರ್ನ ಕಾರ್ಯಗಳನ್ನು ಮೇಲ್ವಿಚಾರಣೆ ಮಾಡಲಿದ್ದಾರೆ. ಇದು ಕುರಿಯಾ ಕಚೇರಿಯಾಗಿದ್ದು, ಜಗದ್ಗುರುಗಳ ದಿನನಿತ್ಯದ ಕಾರ್ಯಚಟುವಟಿಕೆಗಳು ಮತ್ತು ಒಳಾಂಗಣ ವ್ಯವಸ್ಥಾಪನೆಗೆ ಹೊಣೆಗಾರರಾಗಿದ್ದು, ನಿಗದಿತ ಭೇಟಿಗಳ ಆಯೋಜನೆಯನ್ನೂ ಒಳಗೊಂಡಿದೆ.
ಈ ಹುದ್ದೆ 2023ರಿಂದ ಖಾಲಿಯಾಗಿತ್ತು. ಆ ವರ್ಷದಲ್ಲಿ ಆರ್ಚ್ಬಿಷಪ್ ಜಾರ್ಜ್ ಗೆನ್ಸ್ವೈನ್ ರವರು ತಮ್ಮ ಸೇವೆಯನ್ನು ಪೂರ್ಣಗೊಳಿಸಿ, ನಂತರ ಲಾಟ್ವಿಯಾ, ಎಸ್ಟೋನಿಯಾ ಮತ್ತು ಲಿಥುವೇನಿಯಾ ದೇಶಗಳಿಗೆ ಪ್ರೇಷಿತರ ರಾಯಭಾರಿಯಾಗಿ ನೇಮಕಗೊಂಡಿದ್ದರು. ಇದೇ ದೇಶಗಳಲ್ಲಿ ಆರ್ಚ್ಬಿಷಪ್ ರಾಜಿಕ್ ರವರು 2019ರಿಂದ ಸೇವೆ ಸಲ್ಲಿಸಿ, 2024ರಲ್ಲಿ ಇಟಲಿಗೆ ಬಂದಿದ್ದರು.
