Episkopo ya lokúmu Romero, afúndami mpo ya mabé ekanisami, asakoli bomitiyi na ye na pembeni na mwá ntángo

JR Bompolonga – Kinshasa

Episkopo ya Rabat, episkopo ya lokúmu Cristóbal López Romero, salésien ya mibú 74, asakolaki, mokolo ya mibalé 7 ya sánzá ya sambo, bomitiyi pembeni na ye ya mwá ngonga na bokambi dioceze, sima ya bolukiluki - ekosálema sik’oyo - ebándaki na bofundami na likámá ya bosangisi nzóto na makási esálemi na ye na bási mingi mikolo. Episkopo ye mókó apesi nsango - elobami bangonga bileki n'agence AFP, eye elobi bofundami ewuti na bási mitáno - na nzelá ya liyébísi lyokó etiami mokoloto na lobóko na ye, esika wápi tokoki kotánga: «Na súka ya mobú ya bobáteli bolámu, Eklezia na bisó ya Rabat ekobundana na likambo lyokó ya matata. Nafúndami na ezaleli yokó elongobami te epái ya bási mikolo. Likambo yangó etindi Eklezia kofúngola bolukiluki bokó ya mwá ngonga».

Bolukiluki ezali «káti ya mabóko ya Eklezia katoliko ya Roma», elimboli episkopo ya lokúmu moí-Espagne awuti n'Almeria, na bolaki bosálisani na ye. Ezali mpenza mpo ya kopekisa bolukiluki yangó te ndé episkopo ya lokúmu asemboli: «Nakomipekisa kokamba misa na miso ya bato mpe kozala na misála ya bobáteli».

Ebándeli ya matata

Episkopo ya lokúmu López Romero, oyo azuaki lokúmu ya episkopo ya lokúmu o eleko ya consistoire ya sánzá ya zómi 2019, alobi mbala mókó na bandimi: «Nakolikya na bososoli na binó», ekomi ye. Mpe abakisi: «Likambo liye ezali ebándeli ya matata mpo ya bisó bansó». Lokolá episkopo, amilobeli «ayébi malámu mikakatano miye yangó ekobota mpe mituná ya sémbo likambo yangó ekoki kobimisa epái ya móķó mókó». Mpo na yangó mokáno 'te «binama ya lisangá ya dioceze bayéba yangó sasaípi».

Na bozeli bosambisi ya Eklezia, episkopo ya lokúmu alendisi ya kosámbela bansó «mpo ya baye bazali na pási na ezaleli eye», mpo ya Eklezia na Maroc mpe ya bato basusu mpo ya basusu», ebakisi ye.

Botikala lisangá

Na liyébísi liná, bandimi ya Rabat baye balingi koloba likanisi na bangó to kosolola elongo na eye elobami na liyébísi liye babéngami ya kokutana na basángó ya paloise na bangó. Okoki lokolá kokutana na mosála ya boyóki ya Mosála ya dioceze mpo ya bobáteli bokómi ya mabé. «Eklezia na bisó ezali na bomoí», elobi episkopo ya lokúmu López Romero. «Tokokoba, na botiyi motéma, koléisa yangó na pimbo ya Nsango-Ndamu. Totikala lisangá mpe totika bomoí na Kristu elonga bisó mpe epusa bisó libosó, eye ezali na ntina yokó makási».

Na nsakola yokó esálemaki na AFP, episkopo ya lokúmu alobi lisusu bosálisani na ye nionso na bolukiluki mpe alaki asálaki «bobundisi te, mobulu te, to mpe botungisi moto na makambo ya kosangisa nzóto te».

Matondo mingi na ndéngé otángi lisoló liye