Епископот Стојанов предводеше молитвена средба во Паљурци
На празникот преобраќање на свети апостол Павле во Паљурци (врз темелите на идниот храм) на 25 јануари 2023 година, Скопскиот бискуп и Струмичко – скопски епарх монс. д-р Киро Стојанов ја предводеше молитвата Шести час, а о. д-р Зоран И. Стојанов, ректор на светилиштето во Паљурци ја преводеше Бројаницата во чест на Марија од Назарет. На молитвата во Паљурци на епископот Стојанов му се придружија свештеници од Струмичко – скопската епархија.
На молитвениот настан, покрај верниците од повеќе парохии, учество зедоа и сестрите Евахристинки, предводени од провинцијалната сестра Бернардина Атанасова, како и претставници на црковните движења присутни во Македонија.
Овој молитвен настан е во организација на о. д-р Зоран И. Стојанов ректор на светилиштето и о. Тома Ангелов, парох во Богданци.