അപ്പസ്തോലികയാത്രയുടെ നല്ല ഫലങ്ങൾക്കായി പ്രാർത്ഥിക്കുക

മോൺസിഞ്ഞോർ ജോജി വടകര, വത്തിക്കാന്‍ സിറ്റി

ബുദാപെസ്റ്റിലും സ്ലൊവാക്കിയയിലും തന്റെ അപ്പസ്തോലികയാത്രയിലൂടെ വിതയ്ക്കപ്പെട്ട വിത്തുകൾ അവിടങ്ങളിലുള്ള ദൈവജനത്തിന് നല്ല ഫലങ്ങൾ നൽകട്ടെ എന്ന് പരിശുദ്ധാത്മാവിനോട് നമുക്കൊരുമിച്ച് പ്രാർത്ഥിക്കാമെന്ന് ഫ്രാൻസിസ് പാപ്പാ.

സെപ്റ്റംബർ 22-ന് ട്വിറ്ററിൽ കുറിച്ച സന്ദേശത്തിലൂടെയാണ്, കത്തോലിക്കാ സഭയുടെ തലവനും, പത്രോസിന്റെ പിൻഗാമിയുമെന്ന നിലയിൽ, ഹംഗറിയിൽ നടന്ന അന്താരാഷ്ട്ര ദിവ്യകാരുണ്യസമ്മേളനത്തിൽ പങ്കെടുക്കാനും, സ്ലൊവാക്കിയയിലെ സഭയെ സന്ദർശിക്കാനുമായി താൻ നടത്തിയ യാത്രയുടെ നല്ല ഫലങ്ങൾക്കായി പ്രാർത്ഥിക്കാൻ പാപ്പാ ആവശ്യപ്പെട്ടത്.

വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍ ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

EN: Let us #PrayTogether, asking the Holy Spirit that the seeds sown during the #ApostolicJourney to #Budapest and #Slovakia might bear good fruit in the People of God.

IT: #PreghiamoInsieme chiedendo allo Spirito Santo che i semi sparsi durante il #ViaggioApostolico a #Budapest e in #Slovacchia portino buoni frutti nel Popolo di Dio.