പാപ്പാ: ദൈവത്തിന്റെ നീതി നേട്ടങ്ങളുടെ തുലാസിലല്ല അളക്കുന്നത്; സ്നേഹത്തിലാണ്

സി. റൂബിനി ചിന്നപ്പ൯ സി.റ്റി.സി, വത്തിക്കാ൯ ന്യൂസ്

“ദൈവത്തിന്റെ നീതി, നമ്മുടെ പ്രവർത്തനങ്ങളുടെ നേട്ടങ്ങളുടേയും, പരാജയങ്ങളുടേയും, കോട്ടങ്ങളുടേയും തുലാസിലല്ല, സ്നേഹത്തെ അളക്കുന്നത്: ദൈവം നമ്മെ സ്നേഹിക്കുന്നു, തന്റെ മക്കളായതുകൊണ്ട് നമ്മെ സ്നേഹിക്കുന്നു, അത് നിരുപാധികവും സ്വതന്ത്രവുമായ ഒരു സ്നേഹം കൊണ്ടാണ്.”

സെപ്റ്റംബർ 25ആം തിയതി ഇറ്റാലിയന്‍, ഇംഗ്ലീഷ്, സ്പാനിഷ്, പോര്‍ച്ചുഗീസ്,  ജർമ്മ൯, പോളിഷ്, ലാറ്റിന്‍, അറബി എന്ന ഭാഷകളില്‍ #Gospel of the Day എന്ന ഹാഷ്ടാഗോടുകൂടി  ആരാധനക്രമത്തിലെ സുവിശേഷത്തെ ആസ്പദമാക്കി പാപ്പാ തന്റെ ട്വിറ്റർ സന്ദേശം പങ്കുവച്ചു.

ലോകത്തിന്റെ വിവിധ ഭാഗങ്ങളിൽ നിന്നുള്ള നാല് കോടിയിലേറെ വരുന്ന ട്വിറ്റര്‍ അനുയായികൾ പാപ്പാ പങ്കുവയ്ക്കുന്ന ട്വിറ്റര്‍ സന്ദേശങ്ങള്‍ വായിക്കുന്നു.