Tek Papa, Bibla e Dukës Borso d'Este
R.SH. / Vatikan
Edhe pse përkohësisht, Bibla që i përkiste Borso d'Este, Dukës së Modenës, Reggios dhe Ferrarës në shekullin e 15-të, kthehet në Vatikan pas 555 vjetësh. Vëllimi i çmuar, i konsideruar si kryevepër e artit të miniaturës, realizuar ndërmjet viteve 1455 dhe 1461, u soll në Bazilikën e Shën Pjetrit në vitin 1471, kur Papa Pali II i dha Borso-s titullin Dukë.
Në shenjë mirënjohjeje për vizitën e Papës Leoni XIV në Senatin e Republikës Italiane, me rastin përfundimtar të ekspozitës përmbyllëse të Jubileut, më 18 dhjetor, Presidenti i Senatit Ignazio La Russa - së bashku me sekretarin e përgjithshëm Federico Toniato dhe Drejtoreshën e Galerisë, Estensi Alessandra Necci - e kthyen kryeveprën në miniaturë në Vatikan, përpara se Bibla të kthehej në Modena.
Edhe Gjon Pali II e mbajti në dorë.
Pas Palit II, Piu IX dhe Gjon Palit II, Papa Leoni XIV është Papa i katërt që preku origjinalin, por Papa i parë që e merr atë në Vatikan në më shumë se gjysmë mijëvjeçari. Bibla e Borso d'Este konsiderohet kryevepra absolute e artit të miniaturës. Krijimi i saj filloi në vitin 1455, pikërisht kur Gutenbergu përfundoi shtypjen e kopjeve të Biblës së tij. Vepra e Borso-s, e ndarë në dy vëllime, u krijua me materiale të çmuara dhe të rralla, duke përfshirë lapis lazuli nga Afganistani.
"Libri më i bukur në botë" ishte në qendër të një ekspozite në Senatin Italian, me rastin e njëqindvjetorit të Enciklopedisë Treccani. E Giovanni Treccani, ai që e bleu Biblën dhe ia dhuroi shtetit italian, në vitin 1923.
