Papa: ta ruajmë planetin qё Zoti na ka besuar
R.SH. - Vatikan
“Filloi Java #LaudatoSi. I ftoj të gjithë të bashkëpunojnë për kujdesin e planetit, shtëpinë tonë të përbashkët: sot ka kaq shumë nevojë për gërshetimin kompetencave me kreativitetin! LaudatoSiWeek.org/it”.
Kёshtu pohon Papa Françesku, nё njё tweet, nё faqen e internetit @Pontifex, ditën e dyё tё Javës kushtuar enciklikës papnore “Lëvduar qofsh” (LaudatoSi), organizuar nga Dikasteri i Vatikanit për Shërbimin e Zhvillimit të Gjithanshëm Njerëzor nё bashkëpunim me organizata tё shumta ndërkombëtare, si njё mundësi për tё mësuar ta dëgjojmë britmën e Tokës dhe britmën e të varfërve.
Java kushtuar Laudato Si' 2023 që u hap më 21 maj dhe do të përfundojë të dielën e ardhshme. Nisma të ndryshme janë në program gjatë kësaj jave, që sivjet shënon 8-vjetorin e enciklikës së Papës Laudato si', si filmi “La Lettera”, frymëzuar pikërisht nga dokumenti i rëndësishëm papnor. Të shumta ngjarjet që organizohen edhe në nivelin global për Javën Laudato Si'.
Papa Françesku na fton tё reflektojmë në mënyrë të ndërgjegjshme për ambientin, sepse është pjesë e krijimit të Zotit. Në gjirin e natyrës, gjithçka na flet për Krijuesin. Në këtë kuptim, edhe ‘Java LaudatoSi’ e vë theksin mbi temat ambientale shoqërore, si tema e klimës që ndikon fuqimisht mbi jetën e popujve më të varfër, duke prekur, kështu, edhe temën e drejtësisë sociale.
Prandaj Papa Bergoglio përmes enciklikës “Lëvduar qofsh” kёrkon një ekologjie të gjithanshme, paradigmë e re drejtësie, që i konsideron të pandashëm shqetësimin për natyrën, barazinë për të varfërit, angazhimin në shoqëri, por edhe gëzimin e paqen e brendshme. Planeti ynë i keqtrajtuar e i plaçkitur kërkon atë, që Ati i Shenjtë Françesku e quan “kthesë ekologjike”, në mënyrë që njeriu të marrë përsipër përgjegjësinë e mbrojtjes së shtëpisë së përbashkët. Njё impenjim ky që përfshin edhe çrrënjosjen e mjerimit, kujdesin për të varfërit, mundësinë e barabartë në përdorimin e burimeve natyrore.
