Kryqi, fitorja e Zotit
R.SH. – Vatikan
"Ja, mbreti yt, po vjen te ti… i përvujtë e në shpinë të gomarit" (Zk 9,9). Profecia e Zakarisë, e cituar në Ungjillin sipas Mateut ndërsa përshkruan hyrjen e Krishtit në Jerusalem, riprodhohet në miniaturën e rafinuar me temë nga Besëlidhja e Re, e identifikuar si Vat. lat. 39 dhe e ruajtur në Bibliotekën Apostolike.
Një kodik i shekullit XIII nga zona e Veronës
Ky shembull i shkëlqyer i një kodiku të ilustruar të shekullit XIII u prodhua në Italinë veriore, konkretisht në zonën e Veronës, siç konfirmohet nga stili dekorativ dhe nga shenjtorët e përmendur në kalendar: Zeno, Fermo, Rustico dhe Procolo.
Miniatura gjysmëfaqëshe
Cikli kristologjik i Besëlidhjes së Re ilustrohet nga dyzet e katër miniatura gjysmëfaqëshe, të lidhura ngushtë me tekstin. Ilustrimet e dorëshkrimit janë të pasura dhe përbëhen nga skena të shumta ikonografike, që shoqërojnë tekstet e katër Ungjijve, Veprat e Apostujve dhe Librin e Zbulesës.
Hipur mbi gomar
Nga fragmenti i Ungjillit i menduar për të Dielën e Larit, artisti kap çastin kur Jezusi, i përshkruar sipas modeleve ikonografike bizantine, hyn në Qytetin e Shenjtë i hipur mbi një gomar shoqëruar nga një kërriç, simbol i paqes. Vështrimi i Birit të Hyjit është i qetë dhe krenar. Ai është i vetëdijshëm për fillimin e rrugëtimit të tij drejt kryqit.
