Subiaco:'Mkutano wa kifamilia na Papa alitufanya tujisikie kama wana na mabinti'

Na Tiziana Campisi – Vatican.

"Aliacha furaha kubwa mioyoni mwetu sote." Siku moja baada ya ziara ya Papa katika Monasteri za Mtakatifu Benedikto na Mtakatifu  Scolastica huko Subiaco, abate wa kawaida, Dom Mauro Maecci, alisimulia kwa shauku mkutano wake na "mrithi wa Petro." "Tunajua jinsi uhusiano na Papa ulivyo muhimu kwa mtawa, kwa jumuiya ya monasteri. Kwa hivyo ilikuwa siku ya furaha na pia ya utulivu mkubwa," alielezea vyombo vya habari vya Vatican. Papa, ambaye asubuhi ya Julai 22 alikuwa ametembelea Madhabahu ya Utatu Mtakatifu huko Vallepietra, alipofika mahali pa ibada ya kale, katikati ya Milima ya Simbruini, alikaribishwa na abate na akasimama kwanza kwenye Pango Takatifu,  "nyumba ya watawa ambayo ina pango ambapo Mtakatifu Benedikto alikaa miaka mitatu kama mtawa." Hapa alisimama katika sala, kisha akasindikizwa hadi kwenye jengo la watawa la Kibenediktini, ambapo alitafakari michoro ya ukutani na vyumba vya kipekee, na hasa sanamu ya Mtakatifu Francis, mmoja wa watakatifu wakubwa wa Assisi, aliyehifadhiwa katika Kikanisa cha Mtakatifu Gregori.

Ziara katika maeneo ya ibada na chakula 

Kisha Papa Leo XIV alitumia muda wake kukaa na  jumuiya ya watawa ya Kibenediktini na watu wanaofanya kazi katika Mahali patakatifu pa Mtakatifu Benedikto. Na baadaye alitembelea monasteri ya Mtakatifu Scholastica na kukaa kwenye vyumba vya ibada, ambavyo alikuwa tayari amevipenda hapo awali. Chakula cha mchana na jumuiya nzima katika chumba cha kulia chakula kilikuwa jambo la kufurahisha sana. "Papa alitufanya tujisikie furaha, kwa ukarimu na wema mwingi," aliripoti Dom Mauro. Wakiwa mezani wakati wa kula kuliambatana na mazungumzo ya kifamilia.

"Ni wazi kwamba utu wa Baba Mtakatifu uliumbwa na kuwa kwake mtawa wa Kiagostinian. Ningesema alionekana kama mmoja wetu, hata katika mazungumzo yasiyo rasmi, katika maswali aliyomuuliza mtawa mmoja au mwingine, na katika majadiliano, hata katika yale ya moja kwa moja, kuhusu matukio halisi yanayoathiri maisha ya jumuiya ya watawa." "Sote tulikuwa na hisia kidogo," mtawa huyo aliongeza, "lakini Papa, kwa ubinadamu wake na ukarimu wake, alifanya mazungumzo hayo kuwa ya kawaida, ya kidugu, na mazuri."

Papa katika sala kwenye pango takatifu (@Vatican Media)

Kubadilisha zawadi na "mshangao wa kiagostiniani"

Hakukuwa na ukosefu wa muda wa burudani wa kila siku kwa wamonaki na mgeni maalum. Hivyo chumba ambamo Wabenediktini hukusanyika baada ya mlo kilikuwa mahali pa kubadilishana zawadi na picha za pamoja. Papa aliwapa vikombe viwili  pamoja na kanzu ya mikono, moja kwa ajili ya monasteri ya Mtakatifu  Benedikto, nyingine kwa ajili ya ile ya Mtakatifu Scolastica, na kupokea kama zawadi kikapu cha bidhaa za kawaida, nakala ya medali ya Mtakatifu Benedikto na kiasi cha historia na sanaa za hapa katika monasteri mbili."

Papa Leo XIV alifurahia sana ziara yake iliyofuatia kutembea kwenye Maktaba ya taifa ya Mnara wa Kitaifa wa Mtakatifu Scholastica, ambapo alioneshwa 'incunabulum' ya "De Civitate Dei" (kazi ya maandishi )ya Mtakatifu Agostino, iliyochapishwa huko Subiaco mnamo 1467. Hatimaye, baada ya dakika ya mwisho ya sala katika Kanisa la watawa, Papa Leo XIV  aliondoka kwenda Castel Gandolfo.

Papa Leo  XIV katika Monasteri ya Mtakatifu Benedikto (@Vatican Media)

Mkutano wa kipekee kati ya watu wa dini

"Ulikuwa mkutano kati watawa na pia mkutano kati ya Benedikto na Augustino," alitoa maoni yake abate wa kawaida wa Subiaco. "Benedikto alivutiwa sana, hasa na vipengele vyake vya kibinadamu, na Sheria ya Mtakatifu Augustino, ambayo ina vipengele vingi vinavyolainisha amri za kitawa ambazo Mtakatifu Benedikto alianza kuandika Sheria yake mwenyewe."

Dom Mauro pia anahifadhi uzuri wa kuwa pamoja: "Tulikutana na Papa na pia tulikutana na mtu mwenye ubinadamu mkubwa, ambaye alitufanya tujisikie sio kama watoto wake tu, bali pia kama ndugu zake." Na miongoni mwa maneno yaliyosemwa na Papa, alisisitiza mwaliko wa kuomba amani, ili iweze kukaa mioyoni mwa wanadamu.

Papa Leo XIV katika moja ya mazingira ya kimonasteri ya Mtakatifu Scholastica (@Vatican Media)

Makala hii imesasishwa tarehe 23 Julai 2026 saa 11.49 jioni na Angella Rwezaula.

Asante kwa kusoma makala yetu. Unaweza kuendelea kupata habari mpya kwa kujisajili kwa jarida letu la kila siku: Just click here.