በእስራኤል 11ኛ ሳምንት ያስቆጠረው ተቃውሞ አሁንም መቀጠሉ ተገለጸ።

የእዚህ ዝግጅት አቅራቢ ዘላለም ኃይሉ አዲስ አበባ

የሃገር ውስጥ መገናኛ ብዙሀን እንደዘገቡት ህዝባዊ ተቃውሞው ኢኮኖሚውን ጎድቶታል፣ አልፎ ተርፎም አንዳንድ ተጠባባቂ የወታደራዊ ሃይሎች የጥሪ ትእዛዝን ላለመቀበል ዝተዋል። በዚህ ሳምንት መጀመሪያ ላይ ጠቅላይ ሚኒስትር ኔታንያሁ ፥ በፕሬዚዳንት ኢሳክ ሄርዞግ የቀረበውን የሽምግልና ሃሳብ ውድቅ በማድረግ አወዛጋቢ የሆነውን የለውጥ ፕሮግራም እንደሚቀጥሉ ተናግረዋል።

የሙስና ክስ እየቀረበባቸው ያሉት ኔታንያሁ ፥ ‘ከልክ በላይ የአክቲቪስቶችን ሥራ ነው የሚሰሩት’ ብለው የገለፁትን ጠቅላይ ፍርድ ቤትን ለመግታት ማሻሻያው ያስፈልጋል ብለዋል። ይህ ማሻሻያ ከተሳካ ፥ ለእሳቸው እና የእርሳቸው ቀኝ እጅ ለሆነው መንግስታቻው የጠቅላይ ፍርድ ቤት ውሳኔዎችን የመሻር እና ሁሉንም የዳኝነት ሹመቶች የመወሰን ስልጣን ይሰጣቸዋል ተብሏል።

አንዳንድ ተቺዎች እንደሚናገሩት ከሆነ ግን ኔታንያሁ የጥቅም ግጭት እንዳለባቸው አጥብቀው ይገልጻሉ። ወደ ጎዳና የወጡትም በበኩላቸው ፥ የሚጠበቁት የኔታንያሁ እቅዶች የፍትህ ስርዓቱን እንደሚያደናቅፉ እና በህብረተሰቡ ውስጥ ክፍተቶችን እንደሚያሰፉ ይከራከራሉ።