மெலிசா சூறாவளியால் 7,00,000-க்கும் மேற்பட்ட குழந்தைகள் பாதிப்பு!

செல்வராஜ் சூசைமாணிக்கம் - வத்திக்கான்

மெலிசா சூறாவளி கரீபியனை கடுமையாகப் பாதித்துள்ளதுடன், ஜமைக்கா மற்றும் கியூபாவை நேரடியாகத் தாக்கியது என்றும், மேலும் ஹைட்டி மற்றும் தொமினிக்கன் குடியரசையும் பாதித்தது என்றும் யுனிசெஃப் நிறுவனம் தெரிவிக்கின்றது.

மேலும் வெள்ளம், புயல் அலைகள் மற்றும் உள்கட்டமைப்பு சேதங்களால் 7,00,000-க்கும் மேற்பட்ட குழந்தைகள் பாதிக்கப்பட்டுள்ளனர் என்றும், இதனால் உணவு, தண்ணீர், உடல்நலம், நலவாழ்வு மற்றும் கல்வி கிடைப்பது தடைபட்டுள்ளது என்றும் அந்நிறுவனம் கூறியுள்ளது.

இந்நிலையில், அவசரத் தேவைகளை நிவர்த்தி செய்ய யுனிசெஃப் அரசுகளுடன் ஒருங்கிணைந்து செயல்படுகிறது என்றும், 3,80,000-க்கும் மேற்பட்ட குழந்தைகள் மற்றும் குடும்பங்களுக்கான உயிர்காக்கும் உதவிகளை ஆதரிக்க 386 கோடி ரூபாயை கோருவதாகவும் அந்நிறுவனம் மேலும் உரைக்கிறது.