ር. ሊ. ጳ. ልዮን መበል 14 ምንእንቲ እቶም ኣብ ሃንጋሪ ብሓደጋ መኪርና ዝሞቱ ፖላንዳውያን ጸልዮም

ዜና ቫቲካን

"ርእሰ ሊቃነ ጳጳሳት ልዮን መበል 14 ብዛዕባ እቲ ኣብ ሃገረ ሃንጋሪ ዘጋጠመ ዜሕዝን ሓደጋ መኪና፣ "ካብ ሜድጁጎርየ ዝምለሱ ዝነበሩ ፖላንዳውያን ነጋድያን ዝሓዘት ኣውቶቡስ ንዘጋተማ ዝተሰምዖም ዓቢይ ጓሂ ገሊጾም። " ዓሰርተው ክልተ ሰባት ሞይቶም ካልኦት ዓሰርተ ድማ ከቢድ ጕድኣት ወሪድዎም ይርከብ ኣሎ። ርእሰ ሊቃነ ጳጳሳት ኣብያት ብዋና ሰሕፊ ቅድስቲ መንበር ብፁዕ ካርዲናል ፒትሮ ፓሮሊን ዝፈረመ ናይ ቴለግራም መልእኽቲ ናብ ጳጳሳት ናይቶም ነጋድያን ሰበኻተታት ብፁዕ ኣቡነ ኣዳም ሻል ብዓል ፕርዜሚስል ከምኡውን ብፁዕ ኣቡነ ያን ዎትሮባ ብዓል ረሼሾቭ ኣብ ዝለኣኽዎ፣ንዅሎም እቶም በዚ ዜሕዝን ፍጻመ እተጐድኡ ሰባት ዘለዎም "መንፈሳዊ ቅርበት " እውን ገሊጾም።

ወፈያ ናብ ቅድስቲ ድንግል ማርያም ቸስክተኮቫ

ቅዱስ ኣቦና  ኣብ መልእኽቶም፣ "ነዞም  ካብ ናይ እምነት ጕዕዞኦም ተመሊሶም ምድራዊ ጕዕዞኦም ዝፈጸሙ ኣሕዋትን ኣሓትን ናብ ምሕረት ኣምላኽ ብሕድሪ ኣወየይዎም። ብተወሳኺውን "ንስድራ ቤቶም ምጽንናዕ " ኪህቦም ንጐይታ ተማሕጸኑ። ኣብ መወዳእታ ርእሰ ሊቃነ ጳጵሳት ልዮን መበል 14፣  "ኣማልድነት ቅድስቲ ድንግል ማርያም ናይ ቸስቶኮቫ" ብምጥቃስ፣ " ንዅሉ ሰብ ናብ ኣምላኽ ድሕሪ ምምዕቋብ" ነቲ ምልክት ኣባታዊ ቅርበቶምን ክርስትያናዊ ተስፋን ዝዀነ ሓዋርያዊ ቡራኬኦም ኣካፈልዎም ።"

ብዛዕባ እቲ ሓደጋ መርመራ ይቕጽል ኣሎ

እቲ ሓደጋ ካብ ዕለት 15-16 ነሓሰ ምሸት ካብ ቡዳፐስት ብሸነኽ ምብራቕ 140 ኪሎ ሜተር ርሒቑ ኣብ ዝርከብ ዞባ ሜዞኬረስተስ ኣብ ዝርከብ M3 ጽርግያ ኢዩ ኣጋጢሙ። ጠንቂ እቲ ሓደጋ ንምፍላጥ ድማ መርመራታት ይግበር ኣሎ። ብመሰረት እቲ ኣብ ፈለማ እተገብረ መርመርራታት፣ እታ 59 ሰባት ዝሓዘት ኣውቶቡስ ካብቲ መገዲ ወጺኣ ቅድሚ ምግልባጣ፣ ናብ ሓደ ጕድጓድ ኣተወት እዚ ድማ እቲ መራሕ ማኪና ስለ ዝደቀሰ ኪኸውን ይኽእል እዩ ዝብል ግምታት እውን ኣሎ። ጉባኤ ካቶሊካውያን ጳጳሳት ሃገረ ፖላንድን ሃንጋሪን እውን ሓዘኖም ገሊጾም ኣለዉ፣ ነቶም ግዳያትን ንዝቘሰሉን ጸሎቶምን ቅርበቶምን እውን ኣረጋገጹሎም።