ቅድስቲ መንበር ን13 ልኡካነ መንግስቲ ናብ ሃገረ ቫቲካን ናይ ክብሪ ኒሻን ትሽልም

ኣባ ተወልደ መብራህቱ - ሃገረ ቫቲካን

ዝሓለፈ ሰሉስ ዕለት 12 ግንቦት ኣብ ሃገነ ቫቲካን ነቶም ብውሑደ ንኽልተ ዓመታት ከገልግሉ ድሕሪ ምጽናሕ ተልኾኦም ዝዛዘሙ፣ ኣብ ቅድስቲ መንበር ኣፍልጦ ዝረኸቡ ጕጅለ ኣምባሳደራት ነቲ ልሙድ ናይ ኽብሪ ኒሻትን ተሸሊሞም።

ኣብቲ ብምኽንያት ዕለት ዝኽሪ ምርጫ ርእሰ ሊቃነ ጳጳሳት ዝተኻየደ ሥነ-ስርዓት፣ ብፁዕ ሊቀ ጳጳሳት ፓውሎ ሩደሊ ትኩእ ዋና ጸሓፊ ውሽጣዊ ጕዳያት ቅድስቲ መንበር፣ ኣብ ሓዋርያዊ ህንጻ ቅድስቲ መንበር ን13 ዲፕሎማሲያውን ኣካላት፣ ሓደ ምልክትን ወግዓዊ ብራናታትን ኣወፈዩሎም።

እቶም ልኡካነ መንግሥታት ድማ ናይ ፈረሰይናታት ወይ ዳም ግራንድ ተባሂሉ ዝፈለጥ መስቀል፣ ናይ ርእሰ ሊቃነ ጳጳሳት ፒየስ 9ይ መዓርግ ተዋህቦም፣ እዚ ድማ ሓደ ኻብቲ ቅድስቲ መንበር ኣብ ዲፕሎማስያዊ ኣገልግሎት ኣፍልጦን ክብርን ንእትህቦም ኣካላት እተወፍዩ ዝለዓለ ደረጃ ዘለዎ ናይ ኒሻን ሽልማት ኢዩ።