መራሔ መንግሥቲ ሃገረ ብሪጣንያ ካብ ስልጣኑ ተሰናቢቱ፣ ንውድድር ምርጫ መራሕቲ እውን መገዲ ከፊቱ

ኣባ ተወልደ መብራህቱ - ሃገረ ቫቲካን

ኬር ስታርመር ቀዳማይ ሚኒስተር ሃገረ ብሪጣንያ፣ ብኣንዲ በርንሃም ዝተባህለ ካሪዝማቲክ ከንቲባ ዓባይ ከተማ ማንቸስተር ነበር ክትካእ ትጽቢት ይግበረሉ ኣሎ፣ ንሱ ድማ ንስታርመር ኣብ ዝለዓለ ስልጣን ንምትካእ ክወዳደር ምዃኑ ኣረጋጊጹ።

ሃገረ ብሪጣንያ ኣብ ውሽጢ 10 ዓመት ንሻውዓይ ግዜ ቀዳማይ ሚኒስተር ንምምራጽ ክትዳሎ ምዃና ድማ የመልክት። እዚ ቍጽሪ እዚ ኣብ ሃገረ ብሪጣንያ ኣብ ውሽጢ ኽልተ ዘመን እቲ ዝለዓለ ኮይኑ ድማ ይርከብ።

ፖለቲካውያን መራሕቲ ንደገፍ ናይቶም ደረጃ መነባብሮን፡ ህዝባዊ ኣገልግሎትን፡ ዘይሕጋዊ ስደትን፡ ንምቅላስ ብተኸታታሊ ዝፈጸሙ ፍሽለት እተቘጥዑ መረጽቲ ንምዕቃብ ዝገብርዎ ቓልሲ ድማ የጕልሕ።

ስታርመር ኣብ ወጻኢ መንበሪኡ ኣብ ከተማ ለንደን ኣብ ዝርከብ ዝሃቦ ወግዓዊ መግለጺ፣ ናይ ስንብታ መልእኽቱ ንኮሚተ ኣዳላዊ ሰልፊ ሰራሕተይናታት ንምትካእን፣ ናይ መሪሕነት ውድድር ግዜ ከውጽእ ክሓትት ምዃኑ እውን ገሊጹ።

ሕጹያት ምርጫ ኣብ ዕለት 9 ሓምለ ክኽፈት ምዃኑን፣ ኣብ መፋርቕ ወርሒ ሓምለ ድማ ክዕጾ ኢዩ። ስታርመር ስልጣኑ ብስርዓት ከም ዘመሓላልፍን፣ ነቲ ተካኢኡ ምሉእ ደገፍ ንምሃብ ዝከኣሎ ዅሉ ኸም ዚገብርን እውን ተመባጺዑ ኣሎ።

እቲ ዝትክኦ ኣንዲ በርንሃም ዝስሙ ህቡብ ከንቲባ ናይታ ዓብዪ ከተማ ማንቸስተር ከም ዝኸውን ድማ ርግጸኛ እዩ።

ቀዳማይ ሚኒስተር ካብ ስልጣኑ ምስ ተሰናበተ፣ በርንሃም ንስታርመር ንምትካእ ሕጹይ ክኸውን ምዃኑ እውን ኣረጋገጸ።

ካልእ ሕጹይ ክኸውን ዝኽእል ምኒስተር ጥዕና ነበር ዌስ ስትሪቲንግ ነዊሕ ከይጸንሐ ነቲ በርንሃም ዘቕረቦ ናይ መሪሕነት ሕቶ ክድግፎ ምዃኑ እውን ገለጸ።

ስታርመር ካብ ስልጣኑ ክወጽእ ትጽቢት ዝግበረሉ ዝነበረ፣ ኣብ ሰልፊ ሰራሕተይናት ብዝነበሮ ደገፍ ድሕሪ ምስኣኑን፣ እቲ ሰልፊ ኣብ መጀመርታ ወርሒ ግንቦት ኣብ እተገብረ ምርጫ ዘስካሕክሕ ትርኢት ድሕሪ ምርኣዩ ድማ እናወሰኸ ብዝኸይድ ዝሎ ቅልውላው ውን ኢዩ።

በርንሃም ኣብ ዝሓለፈ ዓርቢ ኣብ ማከርፊልድ ኣብ እተገብረ ባይቶኣዊ ምርጫ፣ ካብቲ ትጽቢት እተገብረሉ ንላዕሊ ዓወት ምስ ረኸበ፣ ናብ ፓርላማ ከም ዝምለስ እውን ምስ ገበረ፣ እቲ ኣብ ልዕሊ ስታርመር ዝወረደ ስግኣት ኣጸቢቑ ወሲኹ ይርከብ ኣሎ።

በርንሃም ንልዕሊ ሓደ ዓመት ኣብ ናይ ርእይቶ መጽናዕትታት መሪሕ ግደ ዝነበሮ፣ ናይ ናይጀል ፋራጅ ተሓድሶ ፓርቲ ሕጹይ ብምዃን ኢዩ ዝሰዓሮ።

እዚ ዓወት እዚ ንኣባላት ሰልፊ ሰራሕተይናት በርንሃም ነቲ ኣብ ሓፈሻዊ ምርጫ ዓብዪ ዓወት ድሕሪ ምርካቡ፣ ክልተ ዓመት ኣብ ዘይመልእ ግዜ ኣብ ትሕቲ ስታርመር ብዙሕ ደገፍ ዝሰኣነ ሰልፊ ንዕድሉ ክቕይሮ ከም ዝኽእል ተስፋ ሂብዎም ብምንባሩ ኢዩ።

በርንሃም ብግዲኡ ንብሪጣንያ ርግኣትን ርዝነትን ከምኡውን ኣብቲ ልዕሊ ዅሉ ኣገዳሲ ዝዀነ ጕዳያት ብቐጻሊ ከተተኵር ምዃኑ ተመባጺዑ ኣሎ።