Երուսաղէմի քրիստոնեայ Եկեղեցիները Երուսաղէմի Հայ Պատրիարքարանի կողքին

Ռոպէր Աթթարեան - Վատիկան

«Այս տարուայ փետրուարի 19-ին մենք՝ Երուսաղէմի եկեղեցիներու պատրիարքներն ու ղեկավարները, յայտարարութիւն տարածեցինք Երուսաղեմի ուղղափառ հայ պատրիարքարանի մեր սիրելի գործընկերներու հետ զօրակցութեան ի սպաս, որոնք այդ ժամանակ լսումներու ենթարկուած էին Իսրայէլի դատարաններուն մէջ՝ Երուսաղէմի քաղաքապետարանի կողմէ տրուած անարդար բռնագրաւման որոշման վերաբերեալ». Այս խօսքերով կը սկսի 26 սեպտեմբեր 2025-ին տարածուած Երուսաղեմի պատրիարքներուն ու եկեղեցիներու ղեկավարներուն յայտարարութիւնը` հայող Երուսաղէմի Հայոց Պատրիարքարանի դէմ ձեռնարկուած գործողութիւններուն, «որոնք հիմնուած են չստուգուած և չափազանց մեծ «Arona Tax» հարկային պարտքի վրայ, որ իրաւաբանօրէն կասկածելի են և բարոյապէս անընդունելի»։

«Այդ ժամանակ առաջին դատական ​​լսումը չեղեալ նկատուեցաւ այն յոյսով որ այս հարցի շուրջ երկխօսութիւն պիտի սկսէր կառավարութեան հետ՝ հարցի արդարացի լուծման հասնելու համար» գրած են Երուսաղէմի եկեղեցիներու առաջնորդները դիտել տալով, որ ցաւօք այժմ նշանակուած է նոր լսում մը` երկուշաբթի՝ 29 սեպտեմբերին, որ «դարձեալ կը սպառնայ հայոց պատրիարքարանի պատկանող գոյքի անարդար բռնագրաւման»։

«Հաշուի առնելով այս վերջին զարգացումը՝ մենք կը շարունակենք միասնականօրեն աջակցիլ հայոց պատրիարքարանին՝ կոչ ընելով իշխանութիւններուն` «բարի կամքի բանակցութիւններ վարել». Կը կարդանք վերոնշեալ յայտարարութեան մէջ ուր ապա նշուած է. «Մենք նաև կը միանանք հայոց պատրիարքարանին՝ կոչ ընելով երկրի վարչապետին և արտաքին գործերու նախարարին միջամտելու՝ իրաւասու մարմիններէն խնդրելով կասեցնել ընթացիկ դատական​​​​վարոյթը և ապահովել, որ այս հարցի վերաբերեալ յետագայ քննարկումները փոխանցուին համապատասխան վարչութեան»:

«Մենք կը կարծենք, որ միայն նման ընթացքով կարող են պատշաճ կերպով պաշտպանուիլ հայոց պատրիարքարանի իրաւունքները՝ Սուրբ Երկրի միւս բոլոր քրիստոնէական համայնքներու իրաւունքներու հետ միասին» գրած են Երուսաղեմի պատրիարքներն և եկեղեցիների ղեկավարները իրենց հրապարակած հաղորդագրութեան մէջ։