Քահանայապետը խնդրեց աղօթքով ընկերանալ իր առաջին առաքելական ճամբորդութեան

Ռոպէր Աթթարեան - Վատիկան

Չորեքշաբթի` 26 նոյեմբեր 2025-ի առաւօտեան Սուրբ Պետրոս հրապարակին վրայ գլխաւորած հրապարակային ընդհանուր ունկնդրութեան ընթացքին, հաւատացեալներուն զանազան լեզուներով ուղղած ողջոյն իր խօսքին մէջ Նորին Սրբութիւնը յայտնեց` թէ վաղը պիտի մեկնի Թուրքիա ապա Լիբանան, «այցելելու համար պատմութեամբ ու հոգեւորականութեամբ լի այդ երկու երկիրներու ժողովուրդները»։

«Ասիկա պիտի ըլլայ նաեւ առիթ` յիշատակելու համար Նիկիոյ առաջին Համամիութենական Տիեզերական Ժողովը հանդիպելու համար Կաթողիկէ հասարակութեան, քրիստոնեայ եղբայրներու ու այլ կրօններու հաւատացեալներուն» ըսաւ Սրբազան Պապը եւ աւելցուց «Ձեզմէ կը խնդրեմ որ ինծի ընկերանաք աղօթքով»։