Կարդինալ Փարոլինի հրաւէրը աղօթելու Քահանայապետին Քոնկօ եւ Հարաւային Սուտան ճամբորդութեան համար

Վատիկան Նիուզ - Հայկական Բաժանմունք

Մի քանի օրէն պիտի ընկերակցիմ Սրբազան Պապին դէպի Քոնկոյի ժողովրդավարական հանրապետութիւն եւ Հարաւային Սուտան, երկիր` զոր այցելեցի անցեալ Յուլիս ամիսին։ Կ՛աղօթեմ եւ կը հրաւիրեմ աղօթելու, որպէսզի այս առաքելական ճամբորդութիւնը ըլլայ Սրբազան Քահանայապետի իղձին համաձայն. Խաղաղութեան ուխտագնացութիւն, որ սատարէ հաշտութեան, ամրապնդէ տեղական եկեղեցիները եւ քաջալերէ այդ ժողովուրդները, ու նաեւ աշխարհին ուշադրութիւնը հրաւիրէ այդ ազգերու իրավիճակին վրայ, եւ աւելի ընդլայնուած ձեւով ափրիկեան ցամաքամասին վրայ։