Սուրբ Աթոռը անհանգստացած է Սուտանի մէջ բռնութիւններէն
Մարիամ Երեմեան – Վատիկան
11 Մայիսին, Ժընեւի մէջ ՄԱԿի մօտ Սուրբ Աթոռի Մշտական Առաքելութիւնը՝ Սուտանի մէջ ընթացող պատերազմի՝ մարդու իրաւունքներու վրայ ազդեցութեան նուիրուած Խորհուրդի 36-րդ յատուկ նստաշրջանին կատարած Յայտարարութեան մէջ կը վերահաստատէ իր «խոր մտահոգութիւնը» ափրիկեան երկրի մէջ տեղի ունեցող հակամարտութիւններու և բռնութիւններու լուրջ իրավիճակի կապակցութեամբ։
Փաստաթուղթին մէջ կ’ըսուի նաեւ, որ Սուրբ Աթոռը, բախուելով «ժողովրդի տառապանքներու» աւելացմանը, կը ցանկանայ. «կրկին անգամ ապահովել իր հոգեւոր մտերմութիւնը, աղօթքները եւ զօրակցութիւնը Սուտանի ժողովրդին, յատկապէս տեղահանուածներուն և փախստականներուն»:
Մարդասիրական հետևանքներ
Բացի այդ, «մարդասիրական լուրջ հետևանքներէն» անհանգստացած՝ Սուրբ Աթոռը «բոլոր կողմերուն» կոչ կ’ուղղէ «դադրեցնելու զինուած յարձակումները և երաշխաւորելու քաղաքացիական բնակչութեանը անհրաժեշտ ապրանքներու հասանելիութիւնը»։
Զինադադարի Համաձայնագիրը
Սուրբ Աթոռը նաեւ յոյս արտայայտած է, որպէսզի «հրադադարը երկարաձգուի և լիովին յարգուի, և որ հակամարտութեան բոլոր կողմերու միջեւ բանակցութիւնները յանգեցնեն արդիւնաւէտ համաձայնութեան՝ ի շահ Սուտանի բնակչութեան»։
Յայտարարութիւնը կ’եզրափակուի Ֆրանչիսկոս Սրբազան Քահանայապետի կոչով՝ «վար դնել զէնքերը»՝ «խաղաղութեան և ներդաշնակութեան ճանապարհը միասին վերսկսելու» նպատակով։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ