Արք Կալլակեր. Արհեստագիտութիւնը պէտք չէ փոխարինէ մարդկային դատողութիւնը կեանքի եւ մահուան հարցերու վերաբերեալ
Վազգէն Աբարդեան - Վատիկան
Նիւ Եորքի ՄԱԿ-ի կեդրոնատեղիիմ մէջ, Սուրբ Աթոռի պետութիւններու եւ միջազգային կազմակերպութիւններու հետ յարաբերութեան քարտուղար, արք Փոլ Ռիչարտ Կալլակեր կոչ ըրաւ ՄԱԿ-ի անվտանգութեան խորհուրդի բաց քննարկումի ընթացքին, խնդրելով «մօտեցում մը կեդրոնացած մարդկային էակին վրայ, արհեստական բանականութեան զարգացման ոլորտէն ներս, յատկապէս ռազմական գետնի վրայ։
Սեպտեմբեր 24ին, արհեստական բանականութեան եւ միջազգային անվտանգութեան վերաբերեալ քննարկման ժամանակ արտասանած իր ելոյթին մէջ Արք Կալլակեր յստակ միտք արտայայտեց այն գծով, որ զարգացած արհեստագիտութիւնները չեն կրնար փոխարինել մարդկային դատողութիւնը կեանքի եւ մահուան հարցերուն վերաբերեալ։ Ըստ Արքեպիսկոպոսին՝ արհեստական բանականութեան կարեւոր որոշումները վստահիլը, կ՝անցնի բոլոր այն սահմանները, որոնք պէտք չէ երբեք գերազանցուին ու կը խաթարէ մարդկային արժանապատուութեան նկատմամբ յարգանքն ու ընդհանուր բարիքի հետապնդումը։
Արք Կալլակեր խօսքը կեդրոնացնելով ինքնավար զէնքներուն համակարգերու վրայ վերանորոգեց Սուրբ Աթոռի կոչը, որդեգրելու անոնց զարգացման անմիջական կասեցումը։ Եկեղեցին կոչ կ՝ընէ միջազգային հանրութեան ստեղծելու իրաւաբանօրէն պարտաւորեցնող փաստաթուղթ մը, որ կ՝ապահովէ թէ կեանքի եւ թէ մահուան վերաբերեալ որոշումները կը մնան իմաստալից մարդկային վերահսկողութեան տակ, ըսաւ Ան։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
