«Պահպանել Մարդկային ձայներ և դէմքեր». 2026-ի Հաղորդակցութեան 60-րդ համաշխարհային օրուայ բնաբանը
Ռոպէր Աթթարեան – Վատիկան
Սուրբ Աթոռի հաղորդակցութեան Վերատեսչութեան Հրատարակած հաղորդագրութեամբ յայտարարուեցաւ Հաղորդակցութեան Համաշխարհային 60-րդ օրուան առիթով Լեւոն ԺԴ. Պապին ընտրած նիւթը. «Պահպանել Մարդկային ձայներ և դէմքեր»։
Հաղորդագրութեան մէջ կը կարդանք.
Այսօրուայ հաղորդակցութեան էքօ-համակարգերուն մէջ արհեստագիտութիւնը մեծ ազդեցութիւն ունի փոխազդեցութիւններու վրայ, այնպիսի ձևերով, որոնք առաջ անհնար էին. սկսեալ լրատուական հոսքերու բովանդակութիւն ընտրող ալկորիթմներէն մինչև ամբողջական յօդուածներ և զրոյցներ խմբագրող արհեստական բանականութիւնը: Մարդկութիւնը այժմ ունի հնարաւորութիւններ, որոնք անհնար էր պատկերացնել ընդամէնը մի քանի տարիներ առաջ:
Բայց եւ այնպէս հակառակ` որ այս գործիքները կ՛ առաջարկեն արդիւնաւէտութիւն և լայն հասանելիութիւն, անոնք չեն կարող փոխարինել մարդկային բացառիկ կարողութիւնները՝ կարեկցանքը, բարոյականութիւնը եւ բարոյական պատասխանատուութիւնը: Հանրային հաղորդակցութիւնը կը պահանջէ մարդկային դատողութիւն, եւ ոչ միայն տուեալներու օրինաչափութիւններ: Մարտահրաւէրը այն է որ մարդկութիւնը մնայ առաջնորդող գործակալը: Հաղորդակցութեան ապագան պէտք է ապահովէ, որ մեքենաները ըլլան գործիքներ, որոնք կը ծառայեն և կը կապեն մարդկային կեանքը, եւ ոչ թէ ուժեր, որոնք կը քայքայեն մարդկային ձայնը:
Մենք ունինք մեծ հնարաւորութիւններ։ Միենոյն ժամանակ վգանտները իրական են։ Արհեստական բանականութիւնը կարող է ստեղծել գրաւիչ, բայց մոլորեցնող, խեղաթիւրուած և վնասակար բովանդակութիւն, վերարտադրել ուսումնական տուեալներու մէջ առկայ կողմնակալութիւններն ու կարծրատիպները և ուժեղացնել ապատեղեկատուութիւնը կեղծելով մարդկային ձայներն ու դէմքերը։
Ան կարող է նաև ներխուժել մարդոց ընտանեկից եւ և անձնական կեանքին մէջ՝ առանց անոնց համաձայնութեան: Արհեստական բանականութենէ չափազանց կախուածութիւնը կը թուլացնէ քննադատական մտածողութիւնը և ստեղծագործական ունակութիւնները, մինչդեռ այս համակարգերու մենաշնորհային վերահսկողութիւնը մտահոգութիւններ կը յառաջացնէ իշխանութեան կենտրոնացման և անհաւասարութեան վերաբերեալ:
Միշտ աւելիով հրատապ կը դառնայ հաղորդակցութեան գրագիտութիւնը ներդրել կրթական համակարգերուն մէջ, այդ թուին՝ մետիայի և արհեստական բանականութեան գրագիտութեան (MAIL) մէջ: Որպէս կաթողիկէներ՝ մենք կարող ենք և պէտք է նպաստենք անոր, որ մարդիկ, յատկապէս երիտասարդները, ձեռք բերեն քննադատական մտածողութեան կարողութիւն և զարգանան հոգևոր ազատութեան մէջ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
