Եկեղեցին պիտի ունենայ տասնմէկ նոր Երանելիներ

Մարիամ Երեմեան - Վատիկան

Այսօր՝ 24 Հոկտեմբեր 2025ին, Սուրբերու Դատի Վերատեսչութեան Վերատեսուչ Կարդինալ Մարչելլօ Սեմերարոյին ընձեռած ունկնդրութեան ատեն, Լեւոն ԺԴ․ Սրբազան Քահանայապետը լիազօրեց հրապարակել 11 նոր Երանելիներու հռչակման վերաբերեալ հրամանագիրները, անոնց շարքին․

- Համակենտրոնացման ճամբարներու մէջ իրենց հաւատքի համար ատելութեան զոհ՝ 1941-1942 թուականներուն համակենտրոնացման ճամբարներու մէջ սպաննուած, Սալեզեան Միաբանութեան ինը լեհ նահատակուածներ․

Յան Շուիերց, Իգնացի Անթոնովիչ, Իգնացի Տոպիաշ, Քարոլ Կոլտա, Ֆրանչիշեք Հարաժիմ, Լիւտվիք Մրոչեք, Վլոդժիմիրժ Շեմպեք, Քազիմիերժ Վոյցեխովսքի եւ Ֆրանչիշեք Միշքա (Jan Świerc, Ignacy Antonowicz, Ignacy Dobiasz, Karol Golda, Franciszek Harazim, Ludwik Mroczek, Włodzimierz Szembek, Kazimierz Wojciechowski e Franciszek Miśka)

- Երկրորդ համաշխարհային պատերազմէն ետք, համայնավարականն ​​վարչակարգի կողմէ նախկին Չեքոսլովաքիոյ զաւթման ու Կաթողիկէ Եկեղեցւոյ դէմ հալածանքներու հետեւանքով 1951-1952 թուականներուն սպաննուած երկու քահանաներ՝ Պռնօ (Brno) թեմէն ՝ Յան Պուլա ու Վցլաւ Տրեպոլա (Jan Bula, Václav Drbola)

- Քահանայապետի հրամանագիրներով Աստուծոյ ծառաներ հռչակուեցան նաեւ հերոսական առաքինութիւններով օժտուած հետեւեալ չորս կղերականները․

Մարիա էվանճելիսթա Քուինթերօ Մալֆաս (Maria Evangelista Quintero Malfaz)՝ Cistercense վանական միաբանութեան միանձնուհի, ծնած՝ 6 Յունուար 1591ին Սպանիոյ Սիկալես (Cigales) քաղաքին մէջ, մահացած՝ 27 Նոյեմբեր 1648ին Սպանիոյ Քասարուպիոս Տել Մոնթէի մէջ (Casarrubios del Monte):

Անճելօ Անճիոնի (Angelo Angioni)՝ թեմական քահանայ եւ Մարիամի Անարատ Սրտի միսիոներական հիմնարկի հիմնադիր, ծնած 14 Յունուար 1915ին Իտալիոյ Պորթիկալի (Bortigali) քաղաքին մէջ, մահացած՝ 15 Սեպտեմբեր 2008ին Պրազիլի Խօսէ Պոնիֆասիօ (José Bonifácio) քաղաքին մէջ։

Խօսէ Մերինօ Անտրէս (José Merino Andrés)՝ Տոմինիկեան Միաբանութեան (Քարոզիչներու կարգ) քահանայ, ծնած 23 Ապրիլ 1905 թուականին Մատրիտի մէջ (Սպանիա), մահացած՝ 6 Դեկտեմբեր 1968ին Սպանիոյ Բալենսիա (Palencia) քաղաքին մէջ :

Ճոաքինօ տելլա Ռեճինա տելլա Փաչէ, աշխարհական անունը՝ Լեւոն Ռամոնյինօ, (Gioacchino della Regina della Pace - al secolo: Leone Ramognino)՝ Բոպիկ Քարմելիթաններու միաբանութեան վանական, ծնած՝ 12 Փետրուար 1890ին Իտալիոյ Սասելլօ քաղաքին մէջ, մահացած 25 Օգոստոս 1985ին Իտալիոյ Վարացէ քաղաքին մէջ։