ԵՀՕ Սէուլ 2027-ի աղօթքը. կոչ Աւետարանի քաջութեան
Ռոպէր Աթթարեան - Վատիկան
Քրիստոս Տիեզերքի Թագաւոր տօնին օրը, տարածուեցաւ 2027-ի 3էն 8 օգոստոսին Սէուլի մէջ նշուելիք Երիտասարդութեան Համաշխարհային Օրուան պաշտօնական աղօթքը, որ ներշնչուած է Յովհաննէսի Աւետարանէն քաղուած Յիսուսի խօսքերուն`«Քաջ եղէք. Ես յաղթեցի աշխարհին»։
Աղօթքը նպատակ ունի ընկերանալու աշխարհի տարբեր ծայրերէն բոլոր երիտասարդներուն, իրենց դէպի Սրբազան Պապին հետ հանդիպումի ուղեւորութեան մէջ, հրաւիրելով զանոնք ապրելու Աւետարանը յոյսով և համարձակութեամբ՝ մեր այս խոր մարտահրաւէրներով լի ժամանակաշրջանին մէջ։
Բնագիրը կառուցուած է հինգ հիմնական թեմաներու շուրջ՝ երախտագիտութիւն Աստուծոյ սիրոյ ընդհանուր կոչումին համար, վստահութիւն Հօր, որ մեզ կը հաւաքէ հաղորդութեան մէջ, Քրիստոսի յաղթանակը, որ քաջութիւն կու տայ և կը հրաւիրէ մեզ ինքնազոհաբերութեան, հայց Սուրբ Հոգիին՝ Քորէական եկեղեցւոյ հաւատքի և նահատակութեան կենդանի յիշատակը, և յանձնառում քալելու որպէս սինոդալ եկեղեցի ունկնդրութեան եւ զատորոշումի մէջ։
Աղօթքը կ՛ աւարտի հայցելով Քորէայի պաշտպան Սուրբ` Սուրբ Կոյս Մարիամին և ԵՀՕ պաշտպան սուրբերուն բարեխօսութիւնը։
Աղօթքը ծնունդ արաւ ունկնդրութեան ուղեւորութենէ մը, որ ներգրաւեց 77 մասնակիցներ, որոնց շարքին երիտասարդներ, կրօնականներ, քահանաներ և տարբեր մշակոյթներէ կամաւորներ:
Քորէայի եպիսկոպոսական համահաւաք դասի կողմէն վերատեսումէն ետքը աղօթքը վերջնական հաստատումը ստացաւ Աշխարհականներու, ընտանիքի և կեանքի Վերատսեչութեան կողմէ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
