Սուրբ Պետրոս հրապարակի Մսուրին բացման եւ Տօնածառին լուսաւորման արարողութիւնը. Խաղաղութեան եւ յոյսի պատգամ

Վատիկան  Նիուզ - Հայկական Բաժանմունք 

Երկուշաբթի` 15 Դեկտեմբեր 2025-ին Վատիկանի Սուրբ Պետրոս հրապարակին վրայ տեղի ունեցաւ Սուրբ Ծննդեան մսուրի եւ տօնածառի բացման և լուսաւորման արարողութիւնը, զոր գլխաւորեց Վատիկան քաղաք-պետութեան նախագահ քոյր Ռաֆայելլա Փեթրինին: Ձեռնարկին ներկայ գտնուեցան Իտալիայի թեմերու քաղաքացիական և կրօնական ներկայացուցիչներ, որոնք վերոնշեալ մսուրին ու տօնածառին նուիրատուները եղած են։

Այս առիթով իր արտասանած խօսքին մէջ քոյր Փեթրինին ընդգծեց, որ Ծննդեան մսուրն ու ծառը պարզապէս զարդարանքներ չեն, այլ հաղորդութեան, խաղաղութեան եւ արարչագործութեան հանդէպ հոգատարութեան և ընդհանուր եղբայրութեան խորհրդանիշներ՝ յիշելով Սուրբ Ֆրանչիսկոս Ասիզացիի խարիզմը, որուն մահուան 800-ամեակը պիտի լրանայ 2026 թուականին։

Մսուրը որ ներշնչուած է Agro Nocerino-Sarnese տարածքի աւանդոյթներով, կը զբաղեցնէ 17x12 մետր չափերով տարածք և ունի գրեթէ 8 մետր բարձրութիւն։ Ան կը ներառէ տեղական ճարտարապետական ​​և մշակութային տարրեր, յղումներ տարածաշրջանի սրբերուն և կրօնական գործիչներուն, ինչպէս նաև տարածաշրջանի խոհարարային և գինեգործական ժառանգութեան խորհրդանիշներ։

Սուրբ Ծննդեան եղևնին, ունի 25 մետր բարձրութիւն և ժամանած է Իտալիոյ Bolzano-Bressanone թեմէն է և նուէրն է Լակունտօ և Ուլթիմօ համայնքներուն:

Տօներէն յետոյ եղեւնիին փայտը պիտի վերաօգտագործուի եւ պիտի վերամշակուի յարգելով բնապահպանութիւնը։

Ծննդեան մսուրը և եղևնին ցուցադրուած պիտի մնան մինչև Տիրոջ մկրտութեան տօնը՝ 11 Յունուար 2026 թուական։