FILE PHOTO: U.N. Secretary-General Antonio Guterres speaks about the Black Sea grain corridor outside U.N. Security Council at U.N. headquarters in New York

ԱՇԽԱՐՀ

Վերաբանալ Լաչինի Միջացնքը. ՄԱԿ-ի ընդհանուր քարտուղար

ՄԱԿ-ի գլխաւոր քարտուղարը յատկապէս մտահոգուած է Լեռնային Ղարաբաղի մէջ մարդասիրական իրավիճակի վատթարացման մասին հրապարակումներով եւ կոչ ըրած «անյապաղ քայլեր ձեռնարկելու կարիքի մէջ գտնուող մարդոց մարդասիրական օգնութեան մատակարարումը» թոյլ տալու համար։

ՄԱԿ-ի գլխաւոր քարտուղար Անթոնիօ Կութերեշ խոր մտահոգութիւն յայտնած է Լեռնային Ղարաբաղի մէջ մարդասիրական իրավիճակի վատթարացման մասին հրապարակումներու կապակցութեամբ, որ հետեւանք է Ատրպէյճանի կողմէ Լաչինի միջանցքի ամբողջական արգելափակման։

Կութերեշի անունով տարածուած յայտարարութեան մէջ ընդգծուած է Արդարադատութեան միջազգային դատարանի կողմէ ընդունուած որոշումներու կատարման անհրաժեշտութիւնը։

«Ան (ՄԱԿ-ի գլխաւոր քարտուղարը) կը յիշեցնէ իր նախորդ յայտարարութիւնը կողմերու՝ Արդարադատութեան միջազգային դատարանի որոշումները կատարելու անհրաժեշտութեան մասին, ներառեալ՝ 2023 թուականի փետրուար 22-ին հրապարակուած եւ 2023 թուականի յուլիս 6-ին վերահաստատուած որոշումները՝ կապուած Լաչինի միջանցքի երկայնքով երկու ուղղութիւններով մարդոց, փոխադրային միջոցներու եւ բեռերու անարգել տեղաշարժն ապահովելու միջոցառումներու հետ», - նշուած է յայտարարութեան մէջ:

«Ան երկու կողմերուն կոչ կ'ընէ աշխուժացնելու ջանքերը յարաբերութիւններու երկարաժամկէտ կարգաւորման ուղղութեամբ՝ ի շահ տարածաշրջանի մէջ խաղաղութեան եւ անվտանգութեան», -ըսուած է յայտարարութեան մէջ։

Աղբիւրը` Արեւելք

Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ