Հայաշատ Կլենտէյլի մէջ անտառային սաստիկ հրդեհներու լոյսին տակ արտակարգ կացութեան մակարդակը բարձրացուած Է 2-րդի
Միացեալ Նահանգներու Քալիֆորնիա նահանգի Կլենտէյլ քաղաքին մէջ անտառային սաստիկ հրդեհներու լոյսին տակ արտակարգ կացութեան մակարդակը 3-րդէն բարձրացուած է 2-րդի: Այս մասին յայտարարած է Կլենտէյլի քաղաքապետ Էլեն Ասատրեան` ներկայացնելով անտառային հրդեհներու պատճառով ստեղծուած կացութիւնը:
Ան ըսած է, որ այս գիշեր կը սպասուին ուժեղ քամիներ, որոնք պիտի յանգեցնեն անտառային հրդեհներու աւելի շատ տարածման: Քաղաքապետին համաձայն, քաղաքը զգալի վնաս կրած է:
«Մեր հրշէջ եւ ոստիկանական ստորաբաժանումները ամբողջովին յագեցուած են լրացուցիչ ուժերով ու ներուժով եւ պատրաստ են արձագանգելու որեւէ արտակարգ կացութեան», նշած է Ասատրեան:
Հարաւային Քալիֆորնիոյ մէջ յունուարի սկիզբէն ի վեր շարունակուող հրդեհներու պատճառով արձանագրուած է 24 զոհ:
Աղբիւրը` Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
