Հայկական ժողովրդական երգեր. «Մօկաց շուկէն» պարերգը

Այսօր ներկայացնում ենք Մօկաց հայութիւնից աւանդուած «Մօկաց շուկէն» պարերգը։
Մօկաց բարբառից թարգմանաբար, այս երգի բովանդակութիւնն այս է. երգողը աղջիկ է, որը պատմում է, թէ Մօկաց շուկան լայն ու երկար է, որտեղով անցնում են երկու ջահել տղաներ: Նրանցից մէկը բեղերով է, միւսը՝ անբեղ: Ապա ասում է, որ այն բեղաւոր երիտասարդը տուն ու տեղ ունէր, այսինքն հարուստ էր, իսկ անբեղը անտուն-անտեղ մէկն էր, աղքատ: Եւ վերջում աղջիկը երգում է, որ այդ անբեղ, անտուն ու տեղ ջահելն է բռնելու իր եարի տեղը, այսինքն ուզում է շեշտել, որ սիրոյ մէջ հարստութիւնը նշանակութիւն չունի:
Երգը ներկայացուած է «Ակունք» համոյթի կատարմամբ։