«Global Icon Award (Music) 2025»-ի «Global Symbol» մրցանակը շնորհուած է քանոնահարուհի Մարիաննա Գէորգեանին

Յուլիս 1-3, Աթէնքի մէջ տեղի ունեցած է «Global Icon Award (Music)-2025»-ը, որու «Global Symbol» մրցանակը շնորհուած է «Տաղարան» հնագոյն երաժշտութեան համոյթի քանոնահարուհի Մարիաննա Գէորգեանին։

«Global Icon Awards»-ի նախագահ Փրիթ Փատմանապան Նամպիար նշած է. “Մեզի համար մեծ պատիւ է սոյն մրցանակը շնորհել տաղանդաւոր քանոնահարուհի Մարիաննա Գէորգեանին: Սա Writers Capital Foundation-ի կողմէ տրուող մշակոյթի եւ երաժշտութեան բնագաւառին մէջ ամէնէն բարձր պարգեւն է: Ձեր նշանակալի ներդրումը՝ իբրեւ միջազգային ճանաչում ունեցող քանոնահարուհի, աշխարհին ծանօթացուցած է հայկական հարուստ երաժշտական ժառանգութիւնը: Ձեր ներկայացուցած արուեստին միջոցով դուք դարձած էք Հայաստանի մշակութային դեսպան՝ ոգեշնչելով սերունդներու եւ քանոնի արուեստը տարածելով ամբողջ աշխարհի մէջ։ Այս մրցանակը համեստ յարգանքի տուրք է ձեր աշխատանքին եւ այն յաւերժական գեղեցկութեան, որ դուք կը հրամցնէք աշխարհին՝ երաժշտութեան միջոցով”։

Նշենք, թէ Մարիաննա Գէորգեան երաժշտական աշխարհէն մի՛ակ հայ ներկայացուցիչն էր, որ արժանացաւ այս մրցանակին։