Ռուսիա եւ Ուքրանիա աւարտեցին զինուորներու դիակներու փոխանակումը

Պոլսոյ մէջ ռուս-ուքրանական բանակցութիւններու մասնակից ռուսական պատուիրակութեան նախագահ Վլատիմիր Մետինսքի յայտարարեց. «Ռուսիան եւ Ուքրանիան աւարտեցին զինուորներու դիակներու փոխանակումը»:

Ռուսիան եւ Ուքրանիան չորեքշաբթի օր Պոլսոյ մէջ բանակցութիւններու ընթացքին համաձայնեցան իւրաքանչիւր կողմէ 1200 գերիներու փոխանակման: Մոսկուա Քիեւին առաջարկեց 3000 զինուորներու դիակներ յանձնել:

Մետինսքի մամլոյ ասուլիսի ընթացքին յայտնեց. «Գերիներու փոխանակման շարունակման ծիրին մէջ համաձայնեցանք մօտիկ ապագային իւրաքանչիւր կողմէն յաւելեալ 1200 ռազմագերիներու փոխանակման շուրջ»:

Ուքրանական պատուիրակութեան նախագահ Ռուսթամ Ամիրով իր կարգին յայտնեց. «Քիեւ առաջարկեց օգոստոսի աւարտին ղեկավարներու մակարդակով ժողով գումարել»:

Ամիրով ըսաւ, որ իր երկիրը երկու երկիրներուն միջեւ գերիներու փոխանակման մէջ յաւելեալ յառաջընթաց կը նախատեսէ:

Ան աւելցուց, որ ռուսական կողմը համաձայնած է աւելի քան երեք տարիէ ի վեր գերութեան մէջ բոլոր եղողները ազատ արձակելու Ուքրանիոյ առաջարկին:

Աղբիւրը՝ Ազդակ