Թիֆլիսի հայկական թատրոնի վերանորոգուած շէնքը շուտով կը բանայ իր դռները
Թիֆլիսի «Պետրոս Ադամեան» հայկական թատրոնի վերանորոգուած շէնքը մէկ ամիսէն կը բանայ կը դռները։
Հայաշատ Հաւլաբարի թաղը գտնուող հայկական թատրոնի շէնքը այժմ ունի ժամանակակից բոլոր թեքնիք կարելիութիւնները։ Կառոյցը վերանորոգուած է Վրաստանի նախկին վարչապետ, մեծահարուստ Պիձինա Իվանիշվիլիին պատկանող «Քարթու» հիմնադրամի գանձատրումով։ Աւելի քան տասը տարի դադարէ ետք, թատերախումբին անդամները պիտի վերադառնան իրենց սեփական բեմը՝ շարունակելու հայկական հնագոյն թատրոնի կենսագրութիւնը, որ վստահաբար վերջակէտ պիտի չունենայ։
Թատրոնի տնօրէն Արմէն Բայանդուրեան յայտնած է, թէ Թիֆլիսի հայկական թատրոնը Հայաստանի սահմաններէն դուրս աշխարհի մէջ գոյություն ունեցող մի՛ակ պետական թատրոնն է եւ ունի 168 տարուան պատմութիւն։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
