Քալլաս. «Մոլտովայի ընտրութիւնը յստակ «Այո» է Եւրոպական ապագային»
Մոլտովայի ընտրութիւնը յստակ «այո» է եւրոպական ապագային: Այս մասին գրած է Եւրոպական Միութեան արտաքին եւ անվտանգութեան քաղաքականութեան բարձրագոյն յանձնակատար Քայա Քալլաս:
«Հակառակ Ռուսիոյ կողմէ ապատեղեկատուութիւն տարածելու եւ քուէներ գնելու հսկայական ջանքերուն, ոչ մէկ ուժ կրնայ կանգնեցնել ազատութեան ձգտող ժողովուրդը», գրած է ան:
Մոլտովայի նախագահ Մայա Սանտուի եւրոպամէտ «Գործողութիւն եւ համերաշխութիւն» կուսակցութիւնը կիրակի օր տեղի ունեցած ընտրութիւններուն յաղթանակ արձանագրած է` ռուսամէտ «Հայրենասիրական դաշինք»-էն երկու անգամ շատ քուէ հաւաքելով:
Սանտուի կուսակցութիւնը ապահոված է քուէներուն 50 առ հարիւրը, իսկ գլխաւոր ընդդիմադիր «Հայրենասիրական դաշինք»-ը 25 առ հարիւրի շեմը չէ անցած:
Եւրոպական յանձնաժողովի նախագահ Ուրսուլա Ֆոն Տեր Լեյէն գրած է. «Ժողովրդավարութիւն: Ազատութիւն»:ù
Աղբիւրը` Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
