Քրեմլին կ՛ողջունէ Կազայի հարցի կարգաւորումէն ետք Ուքրանիոյ տագնապին վրայ կեդրոնանալու Թրամփի մտադրութիւնը
Քրեմլին կ՛ողջունէ Կազայի մէջ կարգաւորումէն ետք ուքրանական պատերազմին վրայ կեդրոնանալու Թրամփի մտադրութիւնը: Այս մասին յայտարարեց Ռուսիոյ նախագահի բանբեր Տմիթրի Փեսքով:
«Մենք կ՛ողջունենք նման մտադրութիւնները: Մենք կ՛ողջունենք քաղաքական կամքի պահպանումը` խաղաղ կարգաւորման որոնումները դիւրացնելու համար: Մենք արդէն լաւապէս ծանօթ ենք Ուիթքոֆին: Ան արդիւնաւէտ է: Ան ապացուցած է Միջին Արեւելքի մէջ իր արդիւնաւէտութիւնը: Մենք յոյս ունինք, որ անոր տաղանդը պիտի շարունակէ նպաստել ուքրանական իրավիճակին:
«Ռուսական կողմը կը պահպանէ իր դրական տրամադրուածութիւնը եւ պատրաստակամութիւնը խաղաղ երկխօսութեան: Մենք յոյս ունինք, որ Միացեալ Նահանգներու ազդեցութիւնը եւ նախագահ Թրամփի դեսպաններու դիւանագիտական հմտութիւնները պիտի օգնեն խրախուսել ուքրանական կողմին աւելի նախաձեռնողական եւ աւելի պատրաստուած ըլլալ խաղաղութեան վեհաժողովին», յայտարարած է Փեսքով:
Յիշեցնենք, որ Թրամփ Քնեսեթի մէջ յայտարարած էր, թէ Կազայի պատերազմի աւարտէն ետք կը նախատեսէ ամբողջութեամբ կեդրոնանալ Ուքրանիոյ պատերազմին վերջ տալու վրայ:
Նշենք, որ ան ուրբաթ օր Սպիտակ տան մէջ պիտի ընդունի Ուքրանիոյ նախագահ Վոլոտիմիր Զելենսքին:
Աղբիւրը՝ Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
