Հայաստան ԵՈՒՆԵՍՔՕ-ի Համաշխարհային ժառանգութեան կոմիտէի անդամ ընտրուած է

Հայաստան առաջին անգամ ըլլալով ընտրուած է ԵՈՒՆԵՍՔՕ-ի Համաշխարհային ժառանգութեան կոմիտէի անդամ: Այս մասին կը հաղորդէ «Սիվիլնեթ»-ը:

Հայաստան արձանագրած է լաւագոյն արդիւնքը` ստանալով կարելի 161 քուէներէն 105-ը:

Ազրպէյճան եւս ընտրուած է ԵՈՒՆԵՍՔՕ-ի Համաշխարհային ժառանգութեան կոմիտէի անդամ` ստանալով կարելի 161 քուէներէն 92-ը:

«Սիվիլնեթ» կը նշէ, որ աղբիւրներէն կարելի չէ եղած յստակացնել, թէ արդեօք Հայաստանն ու Ազրպէյճանը իրարու կո՞ղմ քուէարկած են, թէ՞ իրարու դէմ:

Լուրը՝ Ազդակէն