Հոնկ- Քոնկի մէջ հրդեհ. 128 զոհ, 8 ձերբակալութիւն
Հոնկ. Քոնկի բնակելի համալիրը հարուածող կործանարար հրդեհը դարձած է քաղաքի վերջին պատմութեան ամենամահացու հրդեհներէն մէկը: Զոհերուն թիւը բարձրացած է 128-ի, մինչ շատեր տակաւին անյայտ կը մնան: Հրդեհը քանդած է 31 յարկանի եօթը բարձր շէնքեր։
Առաջին քննութիւններու ընթացքին, հրշէջները գտան, որ շէնքի հրդեհային ահազանգերէն ոմանք ճիշդ կերպով չէին գործեր: Աւելին, հրդեհը յատկապէս արագ տարածում գտած է։ Վերանորոգման հետ կապուած իշխանութիւնները ձերբակալած են ութ անձեր, ներառեալ, ճարտարագէտներ եւ աշխատանքներու պատասխանատուներ: Քննութիւնները ցոյց կու տան, որ անվտանգութեան չափանիշերուն չհամապատասխանող նիւթերը կարող էին նպաստած ըլլալ բոցերու տարածման: Նախորդ ձերբակալութիւնները ներառած էին արդէն իսկ աշխատանքներուն յանձնարարուած ընկերութեան որոշ ղեկավարներ, որոնք կասկածուած էին ծանր անփութութեան մէջ:
Մօտաւորապէս 200 անձինք տակաւին անյայտ կը մնան։ Աւելի քան 2,300 փրկարարներ՝ հրշէջներ, բժշկական անձնակազմ եւ օժանդակ անձնակազմ, մասնակցած են գործողութեան: Իշխանութիւնները կը մտավախեն, որ մահերու թիւը կարող է աւելի աճիլ:
Հոնք- Կոնկի կառավարութիւնը յայտարարած է երեք օրուան քաղաքային սուգ, դրօշները կիսայարկ իջեցնելով շաբաթ օրէն սկսեալ մինչեւ Երկուշաբթի: Գործադիր իշխանութեան ղեկավար՝ Ճոն Լի, կը գլխաւորէ երեք վայրկեան լռութեան պահ մը՝ ի յիշատակ զոհերուն: Աղետին յաջորդելով, կառավարութիւնը յայտարարած է շտապ քննութիւններ բոլոր այն շէնքերուն մէջ, որոնք ենթարկուած են կարեւոր վերանորոգումներու, որպէսզի ստուգուի անվտանգութեան չափանիշերուն համապատասխանութիւնը:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
