Երկուշաբթի եւ երեքշաբթի պաշտօնական արձակուրդի օրեր` Լիբանանի մէջ

Վարչապետ Նաուաֆ Սալամ երէկ հրապարակեց պաշտօնական շրջաբերական մը, որուն մէջ նշեց, որ Լեւոն ԺԴ. պապի Լիբանան տուած պաշտօնական այցելութեան առիթով եւ լիբանանեան հասարակութեան տարբեր շերտերուն պապին ընդունելութեան կարելիութիւն ընձեռելու նպատակով, երկուշաբթի, 1 եւ երեքշաբթի, 2 դեկտեմբեր 2025-ը կը յայտարարուին պաշտօնական արձակուրդի օրեր:

Այս առիթով երկրին մէջ գործող բոլոր պետական վարչութիւնները եւ հաստատութիւնները, քաղաքապետութիւնները, ինչպէս նաեւ բոլոր պետական եւ սեփական վարժարաններն ու համալսարանները կը մնան փակ:

Լուրը՝ Ազդակէն