Ռուպիօ. «Կազայի կայունութեան միջազգային ուժի շրջագիծի ստեղծման ջանքերուն մէջ յառաջընթաց արձանագրուեցաւ»

Միացեալ Նահանգներու արտաքին գործոց նախարար Մարքօ Ռուպիօ յայտարարեց, թէ Կազայի մէջ կայունութեան միջազգային ուժի ստեղծման ջանքերուն մէջ յառաջընթաց արձանագրուած է:

Ան նշեց, որ նշեալ ուժին մաս կազմելու կամաւոր երկիրները ՄԱԿ-էն լիազօրութեան կարիքը ունին:

Ռուպիօ ըսաւ, որ ՄԱԿ-ի մէջ ներկայիս քննարկումներ տեղի կ՛ունենան ճշդելու համար այն միջազգային շրջագիծը, որուն հիմամբ կայունութեան ուժը պիտի գործէ:

Ամերիկեան դիւանագիտութեան պետը նշեց, որ այդ որոշումին վրայ աշխատանքը ներկայիս յառաջընթաց կ՛արձանագրէ:

Աղբիւրը` Ազդակ