Ինտոնեզիոյ մէջ ողողումներու զոհերուն թիւը բարձրացաւ 950-ի, իսկ վիրաւորներունը` 5000-ի
Իտոնեզիոյ Սումաթրա կղզիին վրայ տեղի ունեցած ողողումներուն եւ հողի սահանքներուն հետեւանքով արձանագրուած զոհերուն թիւը բարձրացաւ 950-ի, իսկ վիրաւորներունը` 5000-ի: Մինչ տուներուն, ճամբաներուն եւ ենթակառոյցներուն հասած վնասը հսկայական է, 274 անձերու ճակատագիրը կը մնայ անյայտ:
Իշխանութիւններուն համաձայն, իրերայաջորդ փոթորիկներու պատճառած ողողումներուն ու հողի սահանքներուն պատճառով Իտոնեզիոյ, Սրի Լանքայի, Մալեզիոյ, Թայլանտի եւ Վիեթնամի մէջ զոհերուն թիւը առնուազն 1800 է:
Արտակարգ իրավիճակի կառավարման կեդրոնի պետ Սուհար Եանթօ կիրակի երեկոյեան յայտնեց, որ Սումաթրա կղզիի երեք գաւառներու մէջ վերաշինութեան գինը 3,1 միլիառ տոլարով կը գնահատուի:
Լուրը՝ Ազդակէն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
