Իսրայէլեան բանակը կը շարունակէ իր յարձակումները
Իսրայէլեան օդուժը երէկ յարձակումներ գործեց Հարաւային Լիբանանի Նապաթիէ գաւառի Հարուֆ, Թուլ եւ Տուէյր գիւղերուն վրայ, հրետանիով ռմբակոծեց Նապաթիէ Ֆաուքայի եւ Զաութար Շարքիէի մերձակայքը, ինչպէս նաեւ Հասպայա գաւառի Հալթա գիւղի մերձակայքը:
Իսրայէլեան բանակը կիրակի կէս գիշերին ալ հեռակառավարուող հրթիռով մը հարուածեց Պաալպեք քաղաքի հարաւային մուտքի մերձակայքին մէջ գտնուող յարկաբաժին մը: Արձանագրուեցան երկու զոհեր:
Իսրայէլեան օդուժը երէկ արշալոյսին յարձակումներ գործեց Ուատի Իզզաթ-Տէյր Զահրանին, իսկ գիշերանց` Քֆարտունին եւ Ֆրուն գիւղերը:
Իսրայէլեան բանակը հարաւային Լիբանանի մէջ Հարուֆ, Պըրժ Շմալի եւ Տպաալ գիւղերու բնակիչները զգուշացուց անմիջապէս լքելու իրենց տուները եւ աւելի ուշ նշեալ գիւղերուն վրայ յարձակումներ շղթայազերծեց:
Աղբիւրը` Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
