ርዕሰ ሊቃነ ጳጳሳት ክርስቲያኖች ሁሉን አቀፍ ፍቅርን የሚያሳዩ ደፋር መሣሪያዎች መሆን አለባቸው አሉ!

የእዚህ ዝግጅት አቅራቢ መብራቱ ኃ/ጊዮርጊስ ቫቲካን

በእለቱ የተነበበው የእግዚአብሔር ቃል

ኢየሱስም ደቀ መዛሙርቱ ወዳሉበት ቀርቦ እንዲህ አላቸው፤ “ሥልጣን ሁሉ በሰማይና በምድር ተሰጥቶኛል፤ ስለዚህ ሂዱና ሕዝቦችን ሁሉ በአብ፣ በወልድና በመንፈስ ቅዱስ ስም እያጠመቃችኋቸው ደቀ መዛሙርት አድርጓቸው፤ ያዘዝኋችሁንም ሁሉ እንዲጠብቁ አስተምሯቸው፤ እኔም እስከ ዓለም ፍጻሜ ድረስ ሁልጊዜ ከእናንተ ጋር ነኝ” (ማቴዎስ 28፡18-20)

የተወደዳችሁ ወንድሞቼ እና እህቶቼ እንደምን አረፈዳችሁ!

ባለፈው ጊዜ የክርስቲያን አዋጅ ደስታ መሆኑን ካየን በኋላ፣ ዛሬ በሁለተኛው ገጽታ ላይ እናተኩር፡ ወንጌል የማወጅ ተግባር የተሰጠው ለሁሉም ነው። ጌታ ኢየሱስን በእውነት ስንገናኝ የዚህ ገጠመኝ አስደናቂ ነገር በህይወታችን ውስጥ ይንሰራፋል እናም ከእኛ በላይ መወሰድን ይጠይቃል። ወንጌሉ ለሁሉ እንዲሆን ይሻል። በእርግጥም በውስጡ "የሰው ልጅ ኃይል" አለ፤ ለእያንዳንዱ ወንድና ሴት የሕይወት ምልአት ነው፣ ምክንያቱም ክርስቶስ ስለ ሁሉም ሰው ተወልዷል፣ ሞቷል እና ከሞት ተነሥቷል።

በላቲን ቋንቋ Evangelii Gaudium (የወንጌል ደስታ) በተሰኘው ጳጳሳዊ መልእክት ላይ እያንዳንዱ ሰው “ወንጌልን የመቀበል መብት እንዳለው” ጽፌ ነበር። ክርስቲያኖች ማንንም ሳያገሉ ወንጌልን የመስበክ ግዴታ አለባቸው። አዳዲስ ግዴታዎችን የሚጭኑ ከመምሰል ይልቅ፣ ደስታቸውን ለመካፈል የሚሹ፣ የውበት አድማሱን የሚያመለክቱ እና ሌሎችን ወደ ጣፋጭ ግብዣ የሚጋብዙ ሰዎች ሆነው መታየት አለባቸው። ቤተ ክርስቲያን የምታድገው የሰውን ሐይማኖት በግድ በማስቀየር ሳይሆን ‘በመሳብ’ ነው” (አንቀጽ 14)። ውድ ወንድሞቼ እና እህቶቼ የወንጌል ሁለንተናዊ መዳረሻ አገልግሎት ላይ እንዳለን እናስብ። እናም እራሳችንን ከራሳችን ነፃ ለመውጣት አቅማችንን እንለይ፤ ሁሉንም ገደቦች ለማሸነፍ ማለት ነው። ክርስቲያኖች ከነዋየ ቅዱሳን ቁሳቁሶች ማሰቀመጫ ቦታ ይልቅ በየአደባባዩ ከሰዎች ጋር ለመገናኘት ይችላሉ፥ እናም “ወደ ከተማይቱ ጎዳናዎችና መንገዶች ይሂዱ” (ሉቃስ 14፡21)። ክፍት እና ሰፋ ያሉ “ገላጭ” መሆን አለባቸው፣ እናም ይህ ባህሪያቸው የመጣው ኢየሱስ በአለም ላይ መገኘቱን ቀጣይነት ያለው ጉዞ የሚያደርግ፣ ሁሉንም ሰው ለመድረስ ያለመ፣ ከአንዳንድ ገጠመኞቹም በመማር ነው።

ከዚህ አንጻር ወንጌሉ ኢየሱስ ከአንዲት ባዕድ ሴት ጋር እንደተገናኘ ገልጿል፣ ከነናዊት ሴት ጋር ማለት ነው የታመመች ልጇን እንዲፈውስለት ለመነችው (ማቴ. 15፡21-28)። ኢየሱስ የተላከው "ከእስራኤል ቤት ለጠፉት በጎች" ብቻ እንደሆነ እና "የልጆችን እንጀራ ወስዶህ ለውሾች መጣል ተገቢ አይደለም" በማለት ተናግሯል (ማቴ. 15፡24, 26)። ነገር ግን ሴትየዋ፣ በቀላል ዓይነተኛ አፅንዖት “ውሾች እንኳን ከጌታቸው ማዕድ የወደቀውን ፍርፋሪ ይበላሉ” ብላ መለሰች (ማቴ. 27)። ኢየሱስ በዚህ በመገረም “አንቺ ሴት፣ እምነትሽ ታላቅ ነው! እንደፈለግሽው ይሁንልሽ” (ማቴ.15፡ 28) በማለት መለሰላት። ይህ ግንኙነት ልዩ የሆነ ነገር አለው። አንድ ሰው ኢየሱስን ሀሳቡን እንዲለውጥ ማድረግ ብቻ ሳይሆን ሴት፣ ባዕድ እና አረማዊ፣ ነገር ግን ጌታ ራሱ የስብከቱ አካል ለሆኑት ሰዎች ብቻ ሳይሆን ለሁሉም ክፍት መሆን እንዳለበት ማረጋገጫ አግኝቷል።

መጽሐፍ ቅዱስ እግዚአብሔር ሰውን ጠርቶ ከእያንዳንዱ ጋር ቃል ኪዳን ሲገባ፣ መስፈርቱ ሁል ጊዜም ይህ ነው፤ ብዙዎችን የሚደርስበትን ሰው ምረጥ በማለት ያሳየናል። ሁሉም የጌታ ጓደኞች ውበቱን አጣጥመውታል፣ ነገር ግን በእሱ "የተመረጠ" ኃላፊነት እና ሸክም ይሰጣቸዋል። በራሳቸው ድክመቶች ወይም እርግጠኛነታቸውን በማጣት ተስፋ መቁረጥ ተሰምቷቸዋል። ነገር ግን ትልቁ ፈተና የተቀበልነው ጥሪ እንደ እድል አድርጎ መቁጠር ነው፡- ከሌሎች የሚለየውን አግላይነት እንደያዙ እንዲሰማቸው እና እሱን ለራሳቸው ጥቅም ሊጠቀሙበት ስለሚችሉ “እግዚአብሔር ከእኛ ጋር ነው፣ እግዚአብሔር የኛ ነው” ማለት ነው።  ይልቁንም መጽሐፍ ቅዱስ የሚያስተምረን ተቃራኒ ነው፤ እግዚአብሔር አንድን ሰው ሲመርጥ ሁሉንም መውደድ ይችል ዘንድ ነው። እግዚአብሄር የጠራን በመንገዳችን ላይ እንድንቀመጥ አይደለም፣ ነገር ግን ነጻ እና ደፋር የፍቅሩ መሳሪያ ያደርገን ዘንድ ነው። ቤተክርስቲያን ለፍጹማን እና ለዕድለኞች ብቻ የምትሆን ቦታ አይደለችም፣ ነገር ግን በጸጋ ያወቁትን ኢየሱስን የሚመሰክሩ እና ስለ ሁሉ የሚማልድ፣ የሚጸልይ፣ የሚወድ እና እራሱን ለአለም የሚሰዋ የደቀ መዛሙርት ማህበር ናት።

እናስታውስ፡ እግዚአብሔር አንድን ሰው ሲመርጥ ሁሉንም ሰው እንዲወድ ነው። የዚህ ሁለንተናዊ ተነሳሽነት ለጋስ ድፍረት ያስፈልገናል። እንዲሁም ክርስትናን በባህል፣ በጎሣ፣ በሥርዓት የመለየት ፈተናን ለመከላከል ይረዳል። በዚህ መንገድ ግን እውነተኛውን የካቶሊክ ተፈጥሮውን ወይም በተለይም ዓለም አቀፋዊ ባህሪውን ያጣል እና ወደ ውስጥ መግባቱ በመጨረሻ ወደ አለም እቅዶች ዝቅ ብሎ እራሱን ወደ መለያየት ፣ የጠላትነት መንገድ በመሄድ የሚሰብከውን ወንጌል ይቃረናል። መዘንጋት የለብንም፡ ሁሉንም እንዲወዱ እግዚአብሔር የሚመርጠው ጥቂቶቹን ነው። ይህ ለእያንዳንዳችን ይሠራል፡ ጸሎታችን፣ ሕይወታችንን ለጌታ ማቅረባችን ለሌሎችም ጥቅም ይውል ዘንድ ነው። አዋጃችን አገልግሎታችን የሁሉም ነው፥ ካለበለዚያ የጎደለው ነገር የለም። በአጠገባችን የሚኖሩትን አማኝ ያልሆኑትን ስናይ ህይወታችንን የለወጠው የውበት እና የደስታ አዋጅ ተቀባዮች አድርገን እናስብ። የደስታችን ተቀባዮች ናቸው! ኢየሱስ እኛ አግላይ እንድንሆን አይፈልግም፥ ነገር ግን እንግዳ ተቀባይ እና አካታች እንድንሆን ነው የሚፈልገው፣ ምክንያቱም ወንጌል ለእኔ ብቻ ሳይሆን ለሁሉም ይሰበክ ዘንድ የተሰጠ ነው።