Ֆրանչիսկոս Պապ նոյեմբերին կ՜այցելէ Պահրէյնի Թագաւորութիւնը

Վազգէն Աբարդեան - Վատիկան

Չորեքշաբթի, 28 սեպտեմբերին, Սուրբ Աթոռի մամլոյ գրասենեակի տնօրէն, տիար Մաթթէօ Պրունի յայտարարութիւն մը հրապարակեց տեղեկացնելով, որ յառաջիկայ 3էն-6 նոյեմբերին, Ֆրանչիսկոս ՊապԸ առաքելական ճամբորդութեամբ պիտի մեկնի  Պահրէյնի Թագաւորութիւն։

Յայտարարութեան մէջ նշուած է. «Ընդառաջելով եկեղեցական եւ քաղաքացիական իշխանութիւններուն հրաւէրին, Ֆրանչիսկոս Պապը պիտի կատարէ,  յայտարարուած  առաքելական ճամբորդութիւնը Պահրէյնի Թագաւորութիւն, այս տարուայ 3-էն-6 նոյեմբերին, այցելելով Մանամա եւ Ավալի քաղաքները, Պահրէյնի մէջ երկխօսութեան նուիրուած «Արեւելք եւ Արեւմուտք, յանուն մարդկային համակեցութեան» խորագիրով վեհաժողովին առթիւ։

Յայտարարութեան մէջ նշուած է նաեւ թէ «այցելութեան օրակարգն ու յաւելեալ տեղեկութիւնները պիտի յայտարարուին յառաջիկային»։