Анжелус: БИДНИЙ ЭЗЭН ЕСҮС ХРИСТ, БҮХ ЕРТӨНЦИЙН ХААН ИХ БАЯР

Эрхэм ахан дүүс ээ!  

Бид хамтдаа Анжелус залбирлыг өргөхөөс өмнө, энэхүү эргэл мөргөлд оролцож буй та бүхэнд мэндчилгээ дэвшүүлье. Онцгойлон дэлхийн өнцөг булан бүрээс хүрэлцэн ирсэн найрал дууны баг хамт олонд талархал илэрхийлье. Та бүхний энэхүү идэвхтэй оролцоонд чин сэтгэлийн талархал дэвшүүлье.! Эзэн таны үйлчлэлийг ерөөн адислах болтугай.

Бусад бүх эргэл мөргөлчдөд мэндчилгээ дэвшүүлэхийн сацуу онцгойлон Терамо-Атригийн шашны хүрээ ACLI болон Украйны хэд хэдэн шашны хүрээдээс ирсэн сүсэгтнүүдэд хандан мэндчилж байна. Энэ талбайн халуун дулаан тэврэлт, чин сэтгэлийн залбирлыг та бүхэн зүрхэндээ тээн гэртээ авч харина уу. 

Нигери болон Камерун улсад санваартнууд, сүсэгтнүүд болон оюутан залуус хулгайлагдсан тухай сонсоод би гүнээ харамсаж байна. Ялангуяа олон залуус хулгайлагдсан байна, тэдний зовж шаналж буй гэр бүлүүдийн төлөө туйлын их санаа зовниж байна. Би барьцаалагдсан хүмүүсийг даруй суллахыг чин сэтгэлээсээ уриалж байна. Тэднийг чөлөөлөхийн төлөө холбогдох байгууллагууд цаг алдалгүй зөв шийдвэр гаргах болтугай. Эдгээр ахан дүүсийнхээ төлөө, мөн сүм хийдүүд ба сургуулиуд хаа сайгүй аюулгүй байдал, итгэл найдварын гэрэлтэй газар байхын төлөө бид хамтдаа залбиръя.

Өнөөдөр дэлхийн олон шашны хүрээд Дэлхийн Залуучуудын Өдрийг тэмдэглэж байна. Олон янзын баяр, арга хэмжээ зохион байгуулж оролцож буй бүхнийг би ерөөж, сэтгэл зүрхээрээ тэвэрч байна. Христ Хааны баярын энэ өдөр, залуу хүн бүр Эзэнийг дагахын гоо үзэсгэлэн, баяр баяслыг нээж, Эзэний хайр, шударга ёс, амар тайвны хаанчлалд өөрийгөө зориулах болтугай хэмээн залбирч байна.

Миний Турк болон Ливанд хийх Апостолик айлчлал ойртож байна. Туркт Никеагийн Зөвлөлийн 1700 жилийн ойг тэмдэглэх гэж байгаа бөгөөд Энэхүү түүхэн үйл явдлыг дурсах зорилгоор In Unitate Fidei хэмээх Апостолик захидлыг өнөөдөр нийтэлж байна.

Одоо бүгдээрээ Эх Мариад хандан, эдгээр бүх гуйлт болон энхийн төлөөх залбаралаа Түүний зуучлал залбиралд даатгая.